Venesýelaǵa baratyn qazaqstandyq dıplomattar vıza talaptarynan bosatylýy múmkin
23:10, 15 Shilde 2022
NUR-SULTAN. QazAqparat – Venesýelaǵa baratyn qazaqstandyq dıplomattar vızalyq talaptardan bosatylýy múmkin. Bul týraly Úkimet qaýlysy Ashyq NQA saıtynda jarııalandy, dep habarlaıdy QazAqparat tilshisi.
«Qazaqstan Respýblıkasynyń Úkimeti men Venesýela Bolıvarıan Respýblıkasynyń Úkimeti arasyndaǵy dıplomatııalyq jáne qyzmettik pasport ıelerin vızalyq talaptardan bosatý týraly kelisim ázirlendi. 2022 jyldyń qyrkúıek aıyna josparlanǵan BUU Bas Asambleıasynyń kezekti otyrysy aıasynda Qazaqstan men Venesýela syrtqy saıası vedomstvolarynyń basshylary osy kelisimge qol qoıady dep josparlanǵan», - delingen qaýlyda.
Eske sala keteıik, buǵan deıin Qazaqstandyq týrıster Andorra Knıazdigine 90 kúnge vızasyz bara alatynyn habarlaǵan edik.