Venesýela soty Argentına prezıdentin qamaýǵa alýǵa order berdi

<p>ASTANA. KAZINFORM &ndash; Venesýela soty Bas prokýratýranyń Qurama Shtattardyń Býenos-Aıreste ornalasqan Emtrasur ushaǵyn tárkileý isi boıynsha Argentına prezıdenti Haver Mıleıdi qamaýǵa alý orderin berý týraly ótinishin qanaǵattandyrdy, dep habarlaıdy <a href="https://tass.ru/mezhdunarodnaya-panorama/21910863" target="_blank" rel="noopener">TASS</a> aqparat agenttigi.</p>

«Karakastyń birinshi deńgeıli soty Bas prokýratýranyń azamat Haver Mıleıge qatysty tergeý júrip jatýyna baılanysty onyń bas bostandyǵyn shekteý jónindegi shara qabyldaý jónindegi usynymyn maquldady»,- delingen Joǵarǵy sot jarııalaǵan qaýlyda.

Venesýelanyń bas prokýrory Tarek Vılıam Saabtyń 18 qyrkúıekte habarlaýynsha, ol ózi basqaratyn vedomstvo Mıleıdi, onyń ápkesi ári prezıdent keńsesiniń bas hatshysy Karına Mıleıdi, sondaı-aq Argentına qaýipsizdik mınıstri Patrısııa Býllrıchti qamaýǵa alýǵa order suratyp jatyr.

Venesýela bas prokýrorynyń aıtýynsha, olar «aýyrlatatyn mán-jaılary bar urlyq» úshin aıyptalyp otyr. Argentına SІM Mıleıge qatysty tergeýdi negizsiz dep atady, óıtkeni ushaqty AQSh-qa berý týraly sheshimdi Argentına soty qabyldaǵan.

2022 jyldyń maýsymynda sot 5 Iran azamaty men 14 Venesýela azamaty otyrǵan Emtrasur ushaǵy ekıpajyna elden shyǵýǵa tyıym salýyna baılanysty Býenos-Aıresten usha almady. Shekteý sharasy olardyń lańkestermen baılanysyn tekserý úshin jasaldy. Olardyń barlyǵy keıinnen bosatyldy.

Áýe kemesi men ekıpaj ustalǵannan keıin AQSh-tyń Ádilet mınıstrligi Argentına bıliginen AQSh sanktsııalarynyń astyndaǵy ırandyq Mahan Air áýe kompanııasynan alynǵan Emtrasur ushaǵyn tárkileýdi surady. Qańtar aıynyń basynda Argentına soty amerıkalyq ádil cottyń ushaqty berý týraly ótinishin qanaǵattandyryp, 12 aqpanda ol keıinnen paıdalaný úshin Florıdaǵa jetkizildi.

Buǵan deıin Domınıkan Respýblıkasynda Venesýela prezıdenti Nıkolas Madýro paıdalanǵan Dassault Falcon 900EX ushaǵy tárkilengeni habarlanǵan bolatyn.