Venesýela basshysy aldaǵy aılarda munaı baǵasy $60 jetedi degen úmitte
08:56, 17 Qańtar 2017
ASTANA.QazAqparat - Venesýela prezıdenti Nıkolas Madýro aldaǵy aılardy venesýelalyq munaıdyń baǵasy barreline 60 dollarǵa jetedi degen úmitte, dep habarlaıdy ria.ru.
«Aldaǵy kúnderi biz OPEK elderine arnaıy sapar jasaımyz. Men venesýelalyq munaıdyń baǵasy barreline 60 dollar bolýyn qalaımyn»,-deıdi Madýro. Venesýela basshysynyń OPEK-tiń bas hatshysy Mohammed Barkındomen kezdesýiniń qorytyndysyna baılanysty aıtqan sózin Noticias24 keltiredi.
Óz kezeginde OPEK basshysy baǵa tepe-teńdigin saqtaý maqsatynda Madýro júzege asyrǵan bastamaǵa joǵary baǵa berdi.
«Madýro bergen keńes Venada qarasha aıynda ótken kelisimge qol jetkizýde naqty qadam boldy jáne ol álemdik munaı naryǵynyń tepe-teńdigin qamtamasyz etetin alańnyń negizin qalady».-dedi Barkındo.
Onyń sózinshe, naryq tıimdiliginiń qazirgi jaǵdaıy munaı óndirýshi elder men álemdik ekonomıkanyń múddesine saı qalyptasatyn bolady.