Venera Kalımova QR Ádilet mınıstrligi Tirkeý qyzmeti komıtetiniń tóraǵasy qyzmetine taǵaıyndaldy

<p>ASTANA. KAZINFORM - Venera Kalımova QR Ádilet mınıstrligi Tirkeý qyzmeti jáne zańgerlik qyzmetter kórsetýdi uıymdastyrý komıtetiniń tóraǵasy bolyp taǵaıyndaldy</p>

Qazaqstan Respýblıkasy ádilet mınıstriniń buıryǵymen Venera Qamysbaıqyzy Kalımova Tirkeý qyzmeti jáne zańgerlik qyzmetter kórsetýdi uıymdastyrý komıtetiniń tóraǵasy qyzmetine taǵaıyndaldy. Bul týraly QR Úkimetiniń baspasóz qyzmeti habarlaıdy.

Venera Kalımova Q.Jubanov atyndaǵy Aqtóbe pedagogıkalyq ınstıtýtyn, Qazaq memlekettik zań akademııasyn bitirgen.

1995–2001 jyldary — Aqtóbe oblysy Ádilet basqarmasy zańdy tulǵalardy tirkeý bóliminiń jetekshi mamany, bas mamany.

2001–2017 jyldary QR Ádilet mınıstrligi Tirkeý qyzmeti komıteti Zańdy tulǵalardy tirkeý basqarmasynda jumys istep, bas maman qyzmetinen bastap departament dırektory bolyp jumys istedi.

2017-2019 jyldary «Azamattarǵa arnalǵan úkimet» memlekettik korporatsııasy» KeAQ basqarmasy apparatynyń Jyljymaıtyn múlik departamentiniń dırektory qyzmetin atqardy.

2023 jyldan bastap osy ýaqytqa deıin QR Ádilet mınıstrligi Tirkeý qyzmeti jáne zań qyzmetterin uıymdastyrý departamentiniń dırektory bolyp qyzmet etti.

Osyǵan deıin Tımýr Muratov QR densaýlyq saqtaý vıtse-mınıstri qyzmetine taǵaıyndalǵany týraly jazdyq.