Venetsııa saıahattap kelgen týrısterden aqsha ala bastaıdy

VENETsIıA. QazAqparat – Venetsııa shekten tys týrızm máselesin sheshý maqsatynda kelesi jyldan bastap qalaǵa bir kúnge kelgen týrısterden kirerde 5 eýro (5,35 AQSh dollary) kóleminde tólem alýdy josparlap otyr. Aqy 14 jastan asqan týrısterdiń bárinen alynbaz. Synaq 30 kúnge jalǵasady, dep habarlaıdy QazAqparat Reuters agenttigine silteme jasap.

«Aqsha alýdaǵy maqsat – Venetsııada turatyn, oqıtyn nemese jumys isteıtin adamdar men qalaǵa keletinderdiń quqyǵy arasynda jańa balans ornatý», - dep málim etti Venetsııanyń týrızm boıynsha keńesshisi Sımone Ventýrını.

Sondaı-aq ol mundaı tásildiń maqsaty – aqsha tabý emes ekenin atap ótti.

Elge kiretinderden tólem alý jospary naqty qashan engiziletini jáne onyń júzege asý tártibi kelesi aptada, keńes tolyqtaı maquldaǵannan keıin naqtylanady.

Tólem alý jospary alǵash 2019 jyly talqylanyp, koronavırýs pandemııasyna baılanysty keıinge qaldyrylǵan bolatyn.

Shekten tys týrızm kópten beri qalanyń úlken máselesine aınaldy. Shamamen 50 000 adam turatyn tarıhı qala halqynyń sanynan týrıster sany jıi asyp ketetini aıtylyp júr.

Shildede ıÝNESKO sarapshylary Venetsııa men Venetsııa múıisin jappaı týrızm jáne klımat ózgerisi saldarynan joıylyp ketý qaýpi tónip turǵandyqtan Álemdik mura tizimine engizýdi usyndy.