Venada «Naýryz» merekesine arnalǵan «Qazaqstannyń kórki - Uly Dalanyń kúıleri» atty jobanyń kontserti ótti (FOTO)
ASTANA. QazAqparat - 30 sáýirde Venadaǵy «Mýzyka jáne teatr» kontserttik zalynda Qazaqstannfyń halyq ártisi Aıman Musaqojaevanyń jetekshiligimen Astana qalasynyń Qazaq ulttyq óner ýnıversıtetiniń stýdenttik ujymynyń qatysýymen osy jyly alǵash ret «Qazaqstannyń kórki - Uly Dalanyń kúıleri» jobasy aıasyndaǵy kontsert ótti. Osy kontsert kóktem men jańarýdyń merekesi - «Naýryzǵa» ushtastyryldy, dep habarlady qR SІM baspasóz qyzmeti.
Venada «Naýryz» merekesine arnalǵan «Qazaqstannyń kórki - Uly Dalanyń kúıleri» atty jobanyń kontserti ótti
Іs-sharaǵa Aýstrııanyń Parlamenti men Syrtqy ister mınıstrliginiń ókilderi, Venada akkredıttelgen dıplomatııalyq ókildikterdiń basshylary, halyqaralyq uıymdardyń basqarýshylary, Qazaqstannyń qurmetti konsýldary, aýstrııalyq-qazaqstandyq qoǵam músheleri, qoǵamdyq-saıası jáne iskerlik toptary, qazaq dıasporasynyń ókilderi, sonymen qatar qazaqstandyq jáne aýstrııalyq BAQ jýrnalısteri qatysty.
«Qazaqstannyń kórki» atty jobanyń basty maqsaty - Aýstrııada qazaqstandyq baı mádenıettiń kópshilikke taratylýy. Qazaqstannyń áıgili óner qaıratkerleri, sonymen birge aýstrııalyq mýzykalyq oqý oryndarynda oqyp, Aýstrııanyń sahnalaryna shyǵatyn jas daryndy qazaqstandyq mýzykanttar jobany júzege asyrýǵa qatysty.
Merekelik is-sharanyń ashylýynda QR Elshisi Qaırat Sarybaı óziniń alǵy sózinde Qazaqstan Táýelsizdiginiń 25-jyldyǵyna oraı Grats, Zaltsbýrg, Bregents qalalarynda otandyq jas oryndaýshylardyń kameraly kontserti josparlanǵanyn, sonymen qatar Fıllahta jyldaǵy jaz festıvalde folklorly ujymnyń qatysýy kútilýde ekenin atap ótti. Mýzykalyq mádenıettiń dúnıejúzilik ortalyǵy bolyp sanalatyn Venada, sondaı-aq Aýstrııanyń basqa da iri qalalarynda kontsertterdiń ótilýi eýropalyq jurtshylyǵyna Qazaqstannyń mádenı áralýandyǵy jaıly kóbirek tanýǵa múmkindigin beredi.
Venalyq kórermeni qazaqstandyq jas ártisterdiń sheberligin, olardyń ónerlerin úzdiksiz qol shapalaqtaý, gúldermen qoshamettep, rızashylyqpen qol soqty. Kontserttik baǵdarlamada QazUÓÝ-niń halyq aspaptary orkestri men horeografııalyq trýppanyń shyǵarmashylyǵy usynyldy.