Vena ortalyǵyndaǵy terakt: Birneshe adam qaza tapty, polıtsııa arnaıy operatsııa júrgizip jatyr

VENA. QazAqparat – Aýstrııa astanasy Venada lańkestik shabýyl boldy. Qarýly shabýyldy birneshe qaskóı uıymdastyrǵan, olardyń birin polıtsııa atyp óltirdi, enndi sybaılastaryn izdep jatyr. Qalada aýqymdy arnaıy operatsııa júrgizilip jatyr, dep habarlaıdy QazAqparat Euronews-ke silteme jasap.

Polıtsııanyń málimetinshe, shabýyl alty orynda, sonyń ishinde qala ortalyǵyndaǵy sınagoga janynda, evreı ortalyǵy men meıramhana janynda bolǵan. Quqyq qorǵaý organdary bir adamnyń qaıtys bolǵanyn, birneshe adamnyń aýyr jaraqat alǵanyn, onyń ishinde polıtsııa qyzmetkeri bar ekenin rastady. Qala bıliginiń málimetinshe, teraktide 15 adam zardap shekken. Sonymen qatar jedel járdem qyzmeti birneshe adamnyń qaza tapqany týraly bolǵanyn habarlady.

Bılik qala turǵyndarynan úıden shyqpaýdy, terezege jaqyndamaýdy suraıdy jáne kýágerlerge oqıǵa ornynan vıdeo men sýretti áleýmettik jelige taratpaýǵa shaqyrdy. Qalada qoǵamdyq kólik toqtatyldy.

Ravvın Shlomo Hofmeıster jýrnalısterge shabýyl kezinde sınagoga jabyq bolǵanyn aıtty. Ol barǵa kelýshilerge oq atqan kem degende bir adamdy kórgen.

3 qarashadan bastap Aýstrııa koronavırýsqa baılanysty karantın engizdi. Atap aıtqanda keshke barlar men meıramhanalar adamǵa tolyp ketetindikten, 20:00-den 06:00-ge deıin úıden shyǵý shekteldi.

Aýstrııa kantsleri Sebastıan Kýrts polıtsııa shabýyl jasaýshylarǵa qarsy batyl áreket etetinin aıtty. «Biz terrorızmmen qorqytyp-úrkitýge jol bermeımiz jáne mundaı shabýyldarǵa qarsy bar kúsh-jigerimizben kúresemiz», - delingen kantslerdiń málimdemesinde.

Foto/dw.com