Velotrekten sońǵy lıtsenzııalyq jarysqa 4 qazaqstandyq qatysady
Sportty damytý dırektsııasynyń baspasóz qyzmeti málim etkendeı, Olımpıada reıtınginde upaı beriletin sońǵy lıtsenzııalyq týrnırde Ulttyq quramanyń 3 sportshysy baq synaıdy. Atap aıtar bolsaq, omnıým men toptan tys qalý baǵdarlamasynda Ramıs Dinmuhametov jarysady. Al keırın men sprıntte Sergeı Ponomarev pen Andreı Chýgaı synǵa túsedi.
«Ulttyq qurama sportshylary birneshe daıyndyq kezeńinen ótti. Bul qatarda Tarazda ótken qysqy el chempıonaty bar. Osy tusta bıyl Olımpıada irikteýine jáne daıyndyqqa arnalǵan bólek kúntizbe jasaǵanymyzdy aıtqym keledi. Qazir Astanada ótip jatqan omnıýmnan Qazaqstan chempıonaty Álem Kýbogyna daıyndyqtyń sońǵy satysy. Ulttyq qurama kóshbasshysy Ramıs Dinmuhametov taǵy top jaryp, babynda ekenin kórsetti. Kanadadaǵy kezeńnen keıin olımpıadalyq reıtıng jabylady. Upaılar 1 men 24-oryn aralyǵyndaǵy veloshabandozdarǵa beriledi. Sosyn, 22 sáýirde kvotalar belgili bolady», - dedi jattyqtyrýshy Zákı Sultanov.
Esterińizge sala keteıik, qazirgi tańda Qazaqstan delegatsııasynyń qorjynynda Parıj Olımpıadasynyń 11 sport túrinen 31 lıtsenzııa bar. Parıj Olımpıadasy bıyl 26 shilde men 11 tamyz aralyǵynda ótedi. Frantsııa jerindegi dodaǵa álemniń 205 elinen 10 myńnan astam sportshy qatysady dep josparlanǵan. Básekede 32 sport túrinen 329 medal jıyntyǵy sarapqa salynady.