Velosport: Dastan Ordabaı eki altyn medal jeńip aldy

<p>Aýstralııanyń Ballarat qalasynda osy jyldyń 2-8 qańtar aralyǵynda Álemdik Virtus Cycling World Series 2024 dodasynda qazaqstandyq Dastan Ordabaı eki túrli qashyqtyqtan 2 altyn medal jeńip aldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;</p>

QR Týrızm jáne Sport mınıctrliginiń baspasóz qyzmeti málim etkendeı, atalǵan dodaǵa Aýstralııanyń velosport federatsııasynyń (AusCycling) jáne Sport Inclusion Australia-nyń birigýimen búkil álemniń myqty velosıpedshileri baq synaǵan.

Qazaqstannan aýtıstik spektr ereksheligi bar «Intellektýaldyq buzylýy bar adamdarǵa arnalǵan sport federatsııasy» RQB-niń para - atleti Dastan Ordabaı usynyldy. Dastan ii-3 (zerdesi zaqymdalǵan) sanat boıynsha 18,8 km qashyqtyqtaǵy jeke jarysta ýaqytqa (Time trial) jáne 5,5 km qashyqtyqta krıterıýmge (Criterium) qatysty. Nántıjesinde atalǵan qyshyqtyqtan eshkimge des bermeı, bas júldeni qanjyǵasyna baılady.

«Intellektýaldyq buzylýy bar adamdarǵa arnalǵan sport federatsııasy» RQB-niń prezıdenti Dına Temırgalıeva «Dastan Ordabaı óz eline eki altyn jeńip, tuńǵysh azııalyq aýtıst sportshy atanyp, Qazaqstan tarıhyna óz úlesin qaldyrdy», - dep atap ótti.

Jarys Aýstralııanyń Virtus múshesi bolyp tabylatyn Aýstralııanyń velosport aederatsııasymen (AusCycling) jáne Sport Inclusion Australia birlesip uıymdastyryldy, sondaı-aq, UCI baqylaýymen jáne jetekshiligimen ótkizildi. 

Foto: Sport komıteti

«Para cycling chempıonaty World Cycling Series-ke kiredi. Oǵan 62 para - atlet qatysty. UCI Para-cycling klasstary dene, kóz, ıntellektýaldy buzýshylyqtary bar, sondaı-aq estý buzýshylyqtary bar sportshylar úshin ashyq», - dep kórsetilgen habarlamada.

Búgin Astana qalasynyń halyqaralyq áýejaıynda Dastan Ordabaıdy saltanatty kútip alý sharasy bolady.