Velosıpedpen 1,1 mln teńgeniń esirtkisin tasymaldaǵan - Atyraý
Oblystyq polıtsııa departamenti baspasóz qyzmetiniń aqparatyna qaraǵanda, 3 tamyzda Atyraý qalasynda esirtki tasymaldaýshy ustalǵan.
«Esirtki qylmysyna qarsy is-qımyl basqarmasy men patrýldik polıtsııa qyzmetkerleri qala kóshelerinen 33 jastaǵy er adamdy ustady. Ol velısıped jyldamdyǵyn arttyryp, tártip saqshylarynan qashyp ketpek bolǵan. Alaıda, patrýldik polıtsııa qyzmetkerleri kúdiktiniń qashyp ketýine múmkindik bermedi. Tintý kezinde odan quny 1,1 mln teńgeni quraıtyn 40 qara polıetılen paketke salynǵan mefedron sıntetıkalyq esirtkisi tabyldy», -dep habarlady departamenttiń baspasóz qyzmeti.
Qazir ustalǵan kúdiktige qatysty QR Qylmystyq Kodeksiniń 296-babynyń 4-bóligimen sotqa deıingi tergeý júrip jatyr. Kúdikti ýaqytsha oqshaýlaý ızolıatoryna qamaýǵa alyndy.
Eske sala ketelik, buǵan deıin Atyraýda esirtki tasymaldaǵan sheteldik qamaýǵa alynǵan bolatyn.