ASTANA. KAZINFORM – Qytaıdyń Chjaotsın qalasynda ótip jatqan sý dobynan Azııa chempıonatynyń kezekti jarys kúninde Qazaqstan áıelder quramasy týrnır qojaıyndarymen kezdesip, 6:21 esebimen oısyraı jeńildi. Qorytyndy esep – 6:21.
Erteń otandastarymyz Japonııa quramasymen, al 2 naýryz kúni Ózbekstanmen sheberlik baıqasady.
Azııa chempıonatynyń fınalyna shyqqan qos ujym shilde aıynda Sıngapýrde ótetin álem chempıonatyna joldama alady.
Esterińizge sala keteıik, osyǵan deıin qazaqstandyq arýlar birinshi oıynda Sıngapýr quramasyn 12:6 esebimen jeńse, ekinshi oıynda da Gonkong quramasyn 25:6 esebimen basym túsken edi.
Jalpy áıelder arasynda sý dobynan Qazaqstan, Qytaı, Japonııa, Sıngapýr, Ózbekstan, Gonkong quramalary synǵa túsip jatyr.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.