Vasılıı Levıt sporttaǵy mansabyn aıaqtaýy múmkin be

NUR-SULTAN. QazAqparat – QSport jáne dene shynyqtyrý isteri komıtetiniń tóraǵasy Serik Sápıev qazaqstandyq boksshy Vasılıı Levıttiń sporttyq mansaby týraly suraqtarǵa jaýap berdi, dep habarlaıdy QazAqparat tilshisi.

Onyń aıtýynsha, Vasılııdiń ózi bul týraly eshteńe aıtpaǵan.

«Qazaqstanǵa kelgen soń men onymen sóılesemin. Eger sporttaǵy mansabyn aıaqtaǵysy kelse, biz oǵan aldaǵy jumysqa ornalasýyna barynsha kómek kórsetemiz», - dedi S. Sápıev Ortalyq kommýnıkatsııalar qyzmetinde brıfıngte.

Aıta keteıik, Tokıo Olımpıadasynda Vasılı Levıt alǵashqy kezdesýinde ıspanııalyq Emmanýel Reıes Pladan nokaýtpen jeńildi.

Al tanymal boksshy Ermahan Ybyraıymov Vasılıı Levıttiń jeńilýine rıng tóreshisi kináli dep esepteıdi.