Vasılıı Levıt ekinshi aınalymda Hýlıo la Krýzben túsýi múmkin – bas bapker
«Jerebe tartý rásimi jańa ǵana aıaqtaldy. Úsh sportshymyz jerebe boıynsha tarqatylǵan sebetke tústi. Halyqaralyq Olımpıada komıtetiniń óz reıtıngisinde alǵashqy tórttikte turǵan boksshylardy jartylaı fınalǵa deıin bir-birimen jolyqpaıtyndaı etip tarqatyp bólip tastady. Sonyń ishinde bizdiń úsh boksshymyz bar. 81 kelidegi Bekzat Nurdáýletov birinshi reıtıngte tur. 91 kelide Vasılıı Levıt ekinshi nómir bolyp tur. Eń aýyr salmaqta Qamshybek Qońqabaev ta óz salmaǵynda ekinshi nómirde tur. Solar jartylaı fınalǵan deıin reıtınginiń tórttigindegi boksshylarman jartylaı fınalǵa deıin jolyqpaıtyndaı etip bólindi. Biraq Olımpıadada ońaı jekpe-jekter bolmaıdy. Árıne, sportshylardyń bári myqty daıyndyqpen keldi. Jerebe osylaı túsip tur. Qalǵanyn rıng kórsetedi», - dedi bas bapker.
Sondaı-aq, ol buǵan qarap álemdik reıtıngtiń alǵashqy satysynda turǵandarǵa jerebe joldas boldy dep aıtýǵa kelmeıtinin eskertti.
«Bul jerde boksshylardyń birine jerebe joldas boldy, ekinshisine jeńil boldy dep aıtýǵa kelmeıdi. Mysaly, jańaǵy tarqatylǵan sebettegi Vasılıı Levıttiń birinshi ıspandyq qarsylasy da ońaı sportshy emes. Al kelesi aınalymda Hýlıo la Krýzben túsýi múmkin. Tarqatylǵan sebetke bizdiń ǵana emes, álemniń tańdaýly boksshylary da kirmeı qalǵan. Olımpıada chempıony, sońǵy Álem chemıpıonatynyń jeńimpazy ózbekstandyq Zaırov ta tarqatylǵan sebetke túsken joq. Olımpıada komıteti óz reıtıngisin jasap, sonyń qorytyndysy boıynsha tarqatyp otyr. Óte myqty boksshylardyń talaıy nómir alǵan joq. Hýlıo la Kýrz da solaı. Ispandyqty jeńip jatsa, Vasılıı Hýlıo la Krýzben shyǵýy múmkin.
Jerebe qorytyndysy bir qaraǵanda jaman emes bolyp kóringenimen, ekinshi jaǵynan kúrdeli bolyp tur. Sondyqtan osyndaı sátter bar. Rıng kórsetedi. Jarys bastalǵanda kóremiz bárin», - dedi Ǵalymbek Kenjebaev.
Eske salsaq, búgin Tokıo Olımpıadasynda baq synaıtyn boksshylar arasynda jerebe tartý rásimi ótti.