Vasılenko: Qazaqstan Sırııa boıynsha kelissózder úshin alań usynýǵa árdaıym daıyn
Bul týraly búgin «Qazmedıa» ortalyǵynda ótken baspasóz máslıhatynda QR Syrtqy ister mınıstriniń orynbasary Roman Vasılenko málim etti, dep habarlaıdy QazAqparat.
«Óz mindetimizdi bul kelissózderdi qabyldaýshy tarap retinde qarastyramyz. Qajettilik týyndaǵan jaǵdaıda munan ary da kelissózder ótkizý úshin alań usynýǵa daıynbyz. Qazaqstan bul kelissózderdiń kepilger taraby emes. Biz bul kelissózderdi qabyldaý el sanalamyz. Sondyqtan da ony keńeıtý nemese odan ary sheshim qabyldaý bizdiń quziretimiz emes. Biz tek onyń tabysqa jetýi úshin odan ary da járdem berýge daıyn ekendigimizdi qýattaımyz», - dedi SІM orynbasary.
Onyń aıtýynsha, Qazaqstan qabyldaýshy tarap retinde Astana protsesiniń tabysty ótýine úmit artady.
«Qazir ústel basynda kim, qalaı jáne kimge qarsy otyratyndyǵy talqylanýda. Menińshe, bul kelissózder bastalǵannan keıin belgili bolmaq. Biz óz tarabymyzdan konstrýktıvti suhbattyń oryn alýy úshin barlyq múmkinshilikti jasaımyz», - dedi Vasılenko.
Ol aǵymdaǵy jyldyń qańtarynan bastap BUU Qaýipsizdik keńesiniń turaqty emes múshesi bolyp saılanǵanyn jáne aldaǵy 2 jylda osy organnyń quramynda jumys isteıtindigin atap ótti.
«Biz Astana kelissózderiniń (Astana protsesi) qorytyndysy BUU QK-degi bizdiń usynysymyzdyń barysynda da kórinis tabady dep kútemiz. Taǵy da basa aıtqym keledi, bul kelissózderdi kepilger elderdiń ótinishimen uıymdastyrýymyzdyń basty sebebi Sırııadǵy soǵysty toqtatýǵa kómek bergimiz keledi», - dedi Vasılenko.