Vashıngtonda Muhtar Áýezovtiń shyǵarmashylyq murasy talqylandy
Іs-sharanyń negizgi maqsaty jazýshynyń taǵylymyn jáne oı-talǵamdaryn keńinen dáripteý arqyly qazaq halqynyń mádenıeti, rýhanı óresi men ulttyq qundylyqtaryn nasıhattaý bolatyn, dep habarlaıdy QazAqparat QR syrtqy ister mınıstrliginiń resmı saıtyna silteme jasap.
Dóńgelek ústelge qatysqan Qazaqstan men AQSh-tyń akademııalyq qaýymdastyqtarynyń ókilderi jazýshysynyń ǵylymı-shyǵarmashylyq murasyn talqylap, onyń qazirgi álemdegi ózektiligin atap ótti.
Іs-sharany asha otyryp, Qazaqstan Elshisi Erjan Ashyqbaev M.Áýezovtiń qazaq ádebıetiniń damý tarıhyna qosqan zor úlesin atap ótti, sondaı-aq sheteldik jas ádebıettanýshylar men tyńdaýshylardy jazýshynyń shyǵarmashylyǵyn ári qaraı zertteýge shaqyrdy.
Talqylaýǵa M. Áýezov atyndaǵy Ádebıet jáne óner ınstıtýtynyń bas dırektory Kenjehan Matyjanov, M. Áýezov murajaı-úıiniń dırektory Dıar Qonaev, Ankara Hajy Baıram Velı ýnıversıtetiniń oqytýshysy Gýljanat Qurmanǵalıeva-Erjılasýn, Djordj Vashıngton ýnıversıtetiniń Slavıan tilderi, kınotaný jáne halyqaralyq qatynastar bóliminiń professory Peter Rollberg, ál-Farabı ýnıversıtetiniń professory Qanıpash Mádibaeva, jazýshy Nurbolat Aqysh jáne fılologııa ǵylymdarynyń doktory Alýa Temirbolat qatysqan bolatyn.
Pikir almasý moderatory retinde Djordj Vashıngton ýnıversıteti janyndaǵy Eýropalyq, reseılik jáne eýrazııalyq zertteýler ınstıtýtynyń (IERES) dırektory Marlen Larýel boldy.
Foto: gov.kz