Vashıngtonda ǵarysh salasyndaǵy yntymaqtastyq týraly kelisimge qol qoıyldy
Qol qoıý rásimine qorǵanys jáne aeroǵarysh salasynyń ókilderi qatysty, dep habarlady vedomstvonyń baspasóz qyzmeti.
Belgili bolǵanyndaı, AQSh-tyń saýda palatasy qol qoıǵan 26 qujattyń ishinde úsheýi ǵarysh salasyndaǵy yntymaqtastyqqqa qatysty boldy.
QR Qorǵanys jáne aeroǵarysh ónerkásibi mınıstrligi AQSh-tyń Geologııalyq qyzmeti men osy eldiń Іshki resýrstar departamentiniń arasyndaǵy qujatqa Qazǵarysh agenttigi tóraǵasynyń orynbasary Málik Oljabekov pen USGS dırektorynyń orynbasary doktor Epplgeıt qol qoıǵandyǵyn habarlady.
Qujat ǵaryshtyq tehnologııalar men Jerdi qashyqtyqtan zondtaý jáne aralyq málimetterdiń ınfraqurylymdaryn damytý baǵytyndaǵy ekijaqty tıimdi yntymaqtastyqty jetildirýge baǵyttalǵan.
AQSh-tyń geologııalyq qyzmeti Qazaqstanmen yntymaqtastyq ornatqan. Astanada «USGS» uıymynyń qatysýymen Jerdi qashyqtyqtan zondtaýdyń LandSat - 7,8 spýtnıginen málimetterdi qabyldaý sharasy uıymdastyrylǵan. Sonymen qatar «USGS» Іle-Balqash óńiriniń sý resýrstarynyń jaǵdaıy men Halyqaralyq ǵarysh salasyndaǵy hartııa men iri apattarǵa baılanysty monıtorıngileý jobasyna qatysýda.
«Ǵarysh sapary» UK» AQ men amerıkalyq «Hexagon Geospatial» kompanııasynyń arasyndaǵy memorandýmǵa ulttyq kompanııanyń jetekshisi Erǵazy Nurǵalıev pen «Geksagona» kompanııasynyń tehnıkalyq dırektory Breedlı Skelton qol qoıdy.
Sonymen qatar ózderiniń yntymaqtasý jónindegi nıetterin «Ǵalam» JShS-nyń dırektory Aıbergen Rýslanýly men «iDirect» kompanııasynyń prezıdenti Kevın Stın tıisti qujatqa qol qoıý arqyly bildirdi. Amerıkalyq «VT iDirect» kompanııasy spýtnıktik baılanystyń jerdegi ınfraqurylymyn jasaý baǵytyndaǵy álemdik lıder sanalady.
Yntymaqtastyq týraly memorandým talaptaryna sáıkes, taraptar túrli baǵyttaǵy spýtnıktik baılanys júıelerin jasaý men ózara tıimdi jáne ózge de ónimder men qyzmetter salasyndaǵy jumystardy júzege asyrý barysynda ózara árekettesip qyzmet etetin bolady.
Vashıngtonǵa sapary barysynda Qazǵarysh delegatsııasy «ESRI» kompanııasynyń ókilderimen kezdesý ótkizdi. Kelissózder barysynda Qazaqstan Respýblıkasyn ǵaryshtyq monıtorıngileý aıasynda «ESRI» kompanııasynyń soltústik platformasyn paıdalaný múmkindikteri, sonymen qatar jerdi ǵaryshtyq zondtaý júıesiniń ǵaryshtyq túsirilimderimen baılanysty máseleler sóz boldy.
Qazaqstan men AQSh-tyń ekonomıkalyq yntymaqtastyǵynyń sheshýshi sátteriniń biri retinde Aqorda ǵaryshty zertteýdegi kóshbasshylyqty sóz etti.
AQSh ókilderi Qazaqstannyń Halyqaralyq ǵarysh stantsııasynda jumys isteıtin amerıkalyq ǵaryshkerlerdiń qaýipsiz jaǵdaıda jerge orala alatyn orny ekendigin shyn júrekten atap ótti.