Vashıngtonda alǵashqy alkogolsiz bar ashyldy

ASTANA. QazAqparat – Maskúnemdik pen nashaqorlyq Ulttyq keńesiniń málimeti boıynsha, AQSh-ta 15 mıllıonǵa jýyq adam ishimdikke táýeldilikpen kúresýde, dep habarlaıdy QazAqparat «Golos Amerıkı» basylymyna silteme jasap.

Vashıngtonda alǵash ret alkogolsiz bar ashyldy. Mundaı alkogolsiz barlar táýeldilikten emdelip jatqan adamdardyń terapııasyn tolyqtyra alady.

Іshimdikke táýeldiligi bar naýqastarmen jumys isteıtin psıhoterapevterdiń aıtýynsha, jaqyn adamdarymen qatar, jáı tanys adamdardyń da qoldaýy men túsinýi olar úshin óte mańyzdy.

«Alkogolden bas tartqannan keıin Tehastyń Ostın qalasyndaǵy alkogolsiz bar týraly maqalany oqydym. Maǵan jalǵa beriletin bos oryn bar ekenin aıtqanda osy jerden dál sondaı bar ashýdy usyndym. Bul kóp adam úshin úıine qaıta oralǵandaı áser berýi múmkin. Táýeldilikpen kúresip júrgenderge; júkti áıelderge; dinı ustanymyna baılanysty ishpeıtin adamdarǵa. Olar bul jerde óz orny bar ekenin sezedi», - deıdi bar dırektory Djıdjı Arandıd.