Varshavada oppozıtsııanyń myńdaǵan adamy sherýge shyqty

<p>Varshavanyń ortalyǵynda saılaýda jeńiske jetken eldiń eýropashyl jańa premer-mınıstri Donald Týsktiń saıasatyna narazy bolǵan myńdaǵan oppozıtsııa jaqtastarynyń narazylyq sherýi ótti.&nbsp; <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://www.bbc.com/russian/articles/ce9eex2vx26o?xtor=AL-73-%5Bpartner%5D-%5Bbbc.news.twitter%5D-%5Bheadline%5D-%5Brussian%5D-%5Bbizdev%5D-%5Bisapi%5D&amp;amp;at_medium=social&amp;amp;at_link_id=1ACBEDAA-B0C7-11EE-A4C3-454FD0B4AF07&amp;amp;at_campaign=Social_Flow&amp;amp;at_campaign_type=owned&amp;amp;at_ptr_name=facebook_page&amp;amp;at_link_type=web_link&amp;amp;at_link_origin=BBC_News_Russian&amp;amp;at_bbc_team=editorial&amp;amp;at_format=link" target="_blank" rel="noopener">BBC</a>-ge silteme jasap habarlaıdy.&nbsp;</p>

«Sherýshiler, onyń ishinde taıaýda bılikten aıyrylǵan ońshyl «Zań jáne ádilet» partııasynyń kóptegen saılaýshylary Polsha Seıminiń aldyna jınaldy.

PAP memlekettik aqparat agenttiginiń baǵalaýynsha, sherýge 35 myńǵa jýyq adam qatysty, biraq «Zań jáne ádilet» partııasynyń ókilderi sherýdegi olardyń jaqtastarynyń sany 200 myńǵa jýyqtady dep málimdeıdi.

Sherýshiler burynǵy eki mınıstrdiń qamaýǵa alynýyna jáne jańa bılik júrgizip jatqan Polshanyń qoǵamdyq telearnasynyń reformasyna narazylyq bildirdi.

Teledıdar jáne sot reformasy

«Zań jáne ádilet» partııasynyń depýtattary sóz sóılegen sherýden keıin oǵan qatysýshylar memlekettik telearnanyń shtab-páterine qaraı júrdi.

Olar bılikke kele sala telekompanııanyń basshylyǵyn kúshtep aýystyrǵan jańa úkimet áreketterine narazylyǵyn osylaısha bildirmek.

Eýroodaqtyń burynǵy tóraǵasy Donald Týskti onyń Polsha saıasatyna oralýynan keıin toqtaýsyz synǵa alǵan TVP telearnasy efırden doǵalyp, oǵan qaıta ózgertilgen úlgide oraldy.

Bılik bul áreketin BAQ-taǵy teńgerimdi qalpyna keltirý qajettiligimen túsindirdi. Onyń aıtýynsha, «Zań jáne Ádilet» partııasy bılik etken 8 jylda BAQ partııalyq nasıhattyń rýporyna aınaldy.

«Zań jáne Ádilet» partııasy qarsylastarynyń aıtýynsha, burynǵy úkimet sondaı-aq sottar táýelsizdigin álsiretip, eldiń zań júıesin alasapyran etti. Bul reformalar Eýroodaq tarapynan narazylyq týdyryp, blok Polshaǵa arnalǵan kópmıllıardtyq qordy «qatyryp tastady».

Endi Týsk úkimeti bul reformalardy ózgertip, Varshavaǵa qajetti aqshalaı qarajatty alýǵa árekettenip otyr.

EO jáne Týskqa qarsy shyǵý

«Zań jáne ádilet» jaqtastary bul tek partııalyq narazylyq emes, ulttyq narazylyq sııaqty áser qaldyrýǵa tyrysty jáne bul áreketi sátti boldy: aktsııa kezinde aq-qyzyl polıak týlary basym bolyp, al Zań men Ádilet rámizderi az boldy.

«Zań jáne ádilet» jaqtastarynyń narazylyǵy qazandaǵy saılaý nátıjelerinen keıin bastalǵan. Sherý kezinde bul saılaý burmalandy, jańa parlament pen úkimet zańsyz boldy degen urandar estildi.

Sherýshiler sondaı-aq Polshanyń qoǵamdyq telearnasyn reformalaýǵa jáne eki burynǵy mınıstrdiń qamaýǵa alynýyna qatysty narazylyq bildirip otyr.

Mıtıngte Donald Týsk tikeleı qorlandy, sherýshiler «onyń júzindegi kúlkini óshirýge» ýáde berdi.

Demonstranttar sonymen qatar «Polshany shetelden basqarýǵa jol bermeıtinderin» málimdedi.

Prezıdent rezıdentsııasynda mınıstrlerdi qamaýǵa alý

Aktsııaǵa qatysýshylar sondaı-aq Polshanyń burynǵy eki mınıstriniń bıligin asyra paıdalandy degen aıyppen qamaýǵa alynǵanyna narazy.

Seısenbide polıtsııa prezıdent saraıyna kirip, 2007 jyly bılikti asyra paıdalandy degen qylmysy úshin jeltoqsanda sottalǵan burynǵy ishki ister mınıstri Marıýsh Kamınskıı men onyń orynbasary Matseı Vonsıkti qamaýǵa aldy.

Dúısenbide sot Kamınskıı men Vonsıkti qamaýǵa alý týraly order shyǵardy, biraq soǵan qaramastan, «Zań jáne ádilet» partııasynyń odaqtasy, el prezıdenti Andjeı Dýda olardy seısenbi kúni prezıdenttiń jańa keńesshilerin taǵaıyndaý rásimine óz saraıyna shaqyrdy.

Kamınskıı men Vonsık prezıdent Dýda 2015 jyly bul is boıynsha olardy keshirgenin negizge alyp, sottyń jeltoqsan aıynda shyǵarǵan sheshimin moıyndaýdan bas tartty.

Beısenbi kúni Dýda eki mınıstrdi taǵy da keshirýge nıetti ekenin málimdedi.