Varshavada Qazaqstan-Polsha bıznes-forýmy ótip jatyr
Sharany Polshanyń Kásipkerlik jáne tehnologııalar mınıstrligi men Polsha Investıtsııalar jáne saýda jónindegi agenttiginiń qoldaýymen Qazaqstannyń Polshadaǵy Elshiligi, «Kazakh Invest» Ulttyq kompanııasy jáne Polshanyń Bıznes keńesi birlesip uıymdastyrǵan.
«Sharanyń negizgi maqsaty - Qazaqstan men Polsha arasyndaǵy saýda-ekonomıkalyq, ınvestıtsııalyq yntymaqtastyqty kúsheıtý, eki eldiń isker toptary arasynda qoldanystaǵy tikeleı baılanystardy nyǵaıtý jáne jańalaryn ornatý, sondaı-aq Qazaqstandaǵy ınvestıtsııalyq jobalardy, múmkindikterdi, bızneske qoldaý mehanızmderin tanystyrý», - dedi QR SІM resmı ókili Aıbek Smadııarov Astanada ótken brıfıngte.
Forýmǵa eki eldiń aýylsharýashylyq, energetıka, qurylys jáne qurylys materıaldaryn óndirý, azyq-túlik, hımııa, taý-ken metallýrgııa jáne farmatsevtıkalyq ónerkásip salalardaǵy kompanııalary qatysýda.
Aıta keteıik, erteń Astanada Qazaqstan men Mysyr Arab Respýblıkasynyń isker toptary ókilderiniń qatysýymen Qazaqstan-Mysyr bıznes-forýmy ótedi.