Vanes Martırosıan: Áıelim Golovkınniń jankúıeri

ASTANA.QazAqparat - Qazaqstandyq boksshy Gennadıı Golovkınniń (37-0-1, 33 KO) kezekti qarsylasy Vanes Martırosıan (36-3-1, 21 KO) óz áıeliniń GGG-ǵa jankúıer ekenin aıtty, dep habarlaıdy QazAqparat.

«Men barshaǵa ózimniń qanshalyqty myqty ekenimdi kórsetýge múmkindik alǵanyma qýanyshtymyn jáne ózimdi óte jaqsy ári kúshti sezinemin. Biz Golovkın ekeýimiz meksıkalyq emespiz, alaıda Sınko de maıo merekesinde barsha jankúıerlerge ekeýimiz naǵyz meksıkalyq jaýyngerlerdiń aıqasyn kórsetetinimizge senimdimin»-, dedi Martırosıan boxingscene.com-ǵa bergen suhbatynda. 

Sondaı-aq, ol áıeliniń GGG-ǵa jankúıer ekenin de aıtty.

«Meniń promoýterim Don Kıng Golovkınmen judyryqtasý mumkindigi týraly habarlasqanda, birden kelisim berdim. Kelisimge kelgenimizdi bilgennen keıin, men óz áıelimnen menen basqa qaısy boksshyny jaqsy kóretinin suradym, ol Gennadıı Golovkın dep aıtty. Sondyqtan, men endi ony (GGG- avt.) aıamaı urýyma týra keldi»-, dedi Martırosıan.

Aıta keteıik, Golovkın men Martırosıan kezdesýi 5 mamyrda Los-Andjeles mańyndaǵy Karsonda (Kalıfornııa shtaty) StubHub Center arenasynda ótedi.