Valıýtanyń qubylýy shamadan tys - Álııa Moldabekova
Onyń aıtýynsha, syrtqy naryqtardaǵy qubylmaly jaǵdaı valıýta naryǵyna qatysýshylardyń qımyl-áreketine de áser etedi.
«Ulttyq bank ulttyq valıýta baǵamyna tán ózgeristerge mán bere qoımaıdy. Óıtkeni munyń barlyǵy fýndamentaldy faktorlarmen dáıektelgen. Alaıda, sońǵy kúnderdegi teńgeniń qubylýyna – tek qana fýndamentaldy faktorlar yqpal etpeı otyrǵanyn aıtýǵa májbúrmiz. Osyǵan baılanysty Ulttyq bank ulttyq valıýtanyń qubylý shamasyn – shamadan tys dep baǵalaıdy. Ulttyq bank ishki valıýta naryǵyndaǵy jaǵdaıdy qadaǵalap otyr. Aǵymdaǵy úrdister, ásirese, spekýlıatıvti kóńil-kúı saqtalǵan jaǵdaıda, ádil baǵam qalyptastyrýdy qalpyna keltirý úshin jáne ulttyq valıýta baǵamynyń kúrt ózgerýine jol bermeý úshin Ulttyq bank jedel áreket etip, valıýtalyq ınterventsııa júrgizýge daıyn»- dedi Álııa Moldabekova.
Buǵan deıin habarlaǵanymyzdaı, Ulttyq bank tóraǵasynyń orynbasary Álııa Moldabekova valıýta naryǵyndaǵy sońǵy jaǵdaılarǵa túsinikteme berdi. Aıta ketsek, sońǵy kúnderi qor naryǵynda dollar baǵasy kúrt qymbattap, 495 teńgeden asty.