Valıýta aıyrbastaý oryndarynda dollar baǵamy 480 teńge boldy

ALMATY. QazAqparat - Nur-Sultan men Almaty qalalaryndaǵy aqsha aıyrbastaý pýnkterinde dollar 474- 480 teńgeden saýdalanyp jatyr, dep habarlaıdy QazAqparat tilshisi.

Kurs.kz derekteri boıynsha, Nur-Sultandaǵy valıýta aıyrbastaý oryndarynda 1 dollar 474 – 479 teńgeden satylyp jatyr.

Al Almatyda dollar baǵamy 476 – 480,5 teńge aralyǵynda qubylyp tur.

16 tamyz keshki saýda qorytyndysy boıynsha, dollardyń ortasha baǵamy 0,37 teńgege kóterilip, 476, 59 teńge bolǵan.

Ulttyq banktiń 17 tamyzdaǵy resmı baǵamy – 1 dollarǵa 476, 58 teńge.

Dál qazirgi ýaqytta Almatydaǵy aqsha aıyrbastaý oryndarynda Reseı valıýtasy 7,25 – 7,45 teńge aralyǵynda saýdalanyp jatyr.