Valentına Halzova Parıj Olımpıadasyna barady

<p>ASTANA. KAZINFORM - Bokstan Parıj Olımpıadasyna berilgen joldama sany segizge jetti.</p>

Segizinshi joldamaǵa Taıland astanasy Bangkok qalasynda ótip jatqan bokstan Olımpıadaǵa irikteý týrnırinde búgin, 2 maýsymda 1/4 fınalda Valentına Halzova (75 keli) qol jetkizdi.

Qazaqstandyq boksshy 1/4 fınalda kolýmbııalyq Shırleıdız Orozkomen kezdesti. 

Jekpe-jek barysynda ol qarsylasynan belsendi qımyl kórsetti. Nátıjesinde tóreshilerdiń biraýyzdan sheshimimen jeńimpaz atanyp, Olımpıadaǵa joldamaǵa ıe boldy.

Bul - bokstan Qazaqstan quramasynyń Parıj Olımpıadasyna segizinshi joldamasy.

Aıta ketsek, elimizdiń erler quramasynda Olımpıadaǵa Sáken Bıbosynov (51 keli), Mahmud Sabyrhan (57 keli), Aslanbek Shymbergenov (71 keli), Nurbek Oralbaı (80 keli), Aıbek Oralbaı (92 keli) jáne Qamshybek Qońqabaev (92 keliden joǵary) joldama alyp qoıdy. Áıelder quramasynda Karına Ibragımova (57 keli) Parıj Olımpıadasyna joldama alǵan edi.

Valentına Halzova 1997 jyly dúnıege kelgen. 2016 jyly álem chempıony atansa, 2022, 2023 jyldarda álem chempıonatynda qola júldege qol sozdy.

Al 2017 jyly Azııa chempıonatynda kúmis medal aldy.

Endi el quramasynan Nazym Qyzaıbaı (50 keli) shırek fınalda 16:30-da Soltústik Koreıa boksshysy Kang Sý Hýangpen qolǵap túıistirse, besinshi joldama úshin Muhammedsabyr Bazarbaıuly (63.5 keli) 17:30-da moldovalyq Aleksandrý Paraschıvpen sharshy alańǵa shyǵady.

Taılandtaǵy irikteý týrnırinde Uljan Sársenbek (54 keli), Rımma Volosenko (60 keli) men Natalıa Bogdanova (66 keli) jarys jolyn aıaqtady.