Valensııadaǵy sý tasqynyna járdemdesýge 10 myń áskerı men polıtsııa jiberildi

<p>ASTANA. KAZINFORM &ndash; Ispanııa premer-mınıstri sý tasqynynan zardap shekken Valensııaǵa 10 myń sarbaz ben polıtsııany jiberýge buıryq berdi. Bul týraly <a href="https://www.bbc.com/russian/articles/cvg4pl3nl64o?ocid=wsrussian.social.in-app-messaging.telegram..russiantelegram_.edit" target="_blank" rel="noopener">VVS</a> jazdy.&nbsp;</p>

Tabıǵat apatynan qaza tapqandar sany qazirdiń ózinde 200-den asty. Kóptegen jergilikti turǵyn bılikti qaýip týraly der kezinde eskertpegeni jáne bolyp jatqan oqıǵaǵa tym baıaý áreket etkeni úshin kinálaıdy. 

Ispanııa premer-mınıstri Pedro Sanches zardap shekken aımaqtarǵa 5 myń áskerı qyzmetker men osynshama polıtsııa qyzmetkeriniń attanatynyn aıtty. Osylaısha, sý tasqynynyń saldaryn joıýǵa qatysatyn quqyq qorǵaý organdary ókilderiniń jalpy sany 17,5 myńdy quraıdy. 

«Biz beıbit ýaqytta elimizde buryn-sońdy bolmaǵan tótenshe jaǵdaılar qyzmeti men armııanyń eń úlken operatsııasy týraly aıtyp otyrmyz», - dedi Sanches. 

Ol Valensııadaǵy sý tasqynyn Ispanııa osy ǵasyrda basynan ótkergen eń aýyr tabıǵı apat dep atady. 

Tótenshe aýa raıy eskertýleri Ispanııanyń soltústik-shyǵysynda jáne ońtústiginde jeksenbige deıin kúshinde bolady. Senbide bılik Balear araldarynda, sondaı-aq Katalonııada qatty jańbyr qaýpi týraly eskertti. 

Eske sala keteıik, buǵan deıin Ispanııada sý tasqyny saldarynan 200 adam mert bolǵanyn jazǵan edik.