Vaktsınanyń ekinshi komponentine qarsy medıtsınalyq kórsetilimder qandaı

NUR-SULTAN. QazAqparat – Sanıtarlyq-epıdemıologııalyq baqylaý komıtetiniń basqarma basshysy Maral Rahymjanova koronavırýs vaktsınatsııanyń ekinshi komponentine qarsy medıtsınalyq kórsetilimder týraly málimet berdi, dep habarlaıdy QazAqparat tilshisi.

«Bas memlekettik sanıtarlyq dárigerdiń qaýlysy bar. Onda vaktsınanyń árbir túrine spetsıfıkalyq qarsy kórsetilimder qarastyrylǵan. Jıi qaıtalanatyn negizgi syrtqy uqsastyqtar - sozylmaly aýrýlar, obstrýktıvti, bronh demikpesi, allergııalyq aýrýlar, vaktsına quramyna kiretin komponentterdiń kem degende bireýine allergııanyń bolýy», - dedi Maral Rahymjanova.

Sondaı-aq, ol aýyr allergııalyq reaktsııa men júktilik jáne bala emizý kezeńi vaktsınaǵa qarsy medıtsınalyq kórsetilim bolyp otyrǵanyn eske saldy. Al 18 jasqa tolmaǵandarǵa salyp synalǵan vaktsına ázirge elimizde bolmaǵandyqtan, kámeletke tolmaǵandarǵa vaktsına salynyp jatqan joq.

«Vaktsınanyń ekinshi komponentin engizý boıynsha jeke qarsy kórsetilimder bar. Olar: vaktsınatsııanyń birinshi komponentinen keıingi aýyr asqynýlar, anafılaktıkalyq shok, aýyr allergııalyq reaktsııalar, konvýlsııalyq sındrom», - dep atap ótti spıker.