Vaktsınanyń birinshi komponentin saldyrǵan sozylmaly aýrýy bar adamdar sany 32 314-ke jetti

NUR-SULTAN. QazAqparat – Vaktsına alǵan adamdardyń 0,4 paıyzynda bolýy múmkin reaktsııalar tirkeldi. Bul týraly QR DSM Qoǵamdyq densaýlyq saqtaý ulttyq ortalyǵynyń «Sanıtarııalyq-epıdemıologııalyq saraptama jáne monıtorıng ǵylymı- praktıkalyq ortalyǵy» fılıaly dırektorynyń orynbasary Manar Smaǵul málim etti, dep habarlaıdy QazAqparat tilshisi.

«Vaktsınanyń birinshi komponentin saldyrǵan sozylmaly aýrýy bar adamdar sany 32 314-ke jetti. Vaktsınalaýdyń tolyq kýrsyn (ekinshi komponentin) alǵan osy sanattaǵy sozylmaly aýrýy bar adamdardyń sany 8 397-ni qurady», - dedi M. Smaǵul Ortalyq kommýnıkatsııalar qyzmetinde.

Onyń aıtýynsha, 60 jastan asqan adamdardyń arasynda ımmýndaý kýrsyn 121 myńnan astam adam bastady jáne onyń tolyq komponentin 8 myńy aıaqtady.

«Qazirgi kezde ımmýndaýdan keıin kúrdeli qolaısyz belgiler tirkelmedi. Sonymen birge, vaktsına alǵan adamdardyń 0,4 paıyzynda bolýy múmkin reaktsııalar tirkeldi, ıaǵnı temperatýra, ekpe jasaǵan jerdiń qyzarýy men aýyrsynýy sekildi jalpy belgiler baıqaldy», - dedi Manar Smaǵul.

Aıta keteıik, Qazaqstanda 823 myńnan astam adamǵa koronavırýs vaktsınasy egildi.