Vaktsınalaý pasportynyń qaǵaz nusqasy berilmeıdi – QR Densaýlyq saqtaý mınıstrligi

NUR-SULTAN. QazAqparat - Qazirgi kezde qazaqstandyqtarǵa vaktsınalaý pasportynyń qaǵaz nusqasy berilmeıdi. Bul týraly QR Densaýlyq saqtaý mınıstrliginiń sanıtarlyq-epıdemıologııalyq baqylaý komıtetinde málim etildi, dep habarlaıdy QazAqparat tilshisi.

Aıta ketý kerek, halyq arasynda vatsınalaý pasportynyń qaǵaz nusqasynyń Sanıtarlyq-epıdemıologııalyq komıtetten aqshaǵa tapsyrys berip alýǵa bolatyny jóninde aqparat taralýda.

«Sanıtarlyq-epıdemıologııalyq komıtet qaǵaz nusqada fırmalyq blankide eshqandaı vaktsınalaý pasportyn bermeıdi. Ondaı ózgerister oryn alsa, biz mindetti túrde respýblıka azamattaryn habardar etemiz. Mundaı saýal qarastarylyp ta jatqan joq», - dep habarlady Komıtetten.

Vedomstvo jalǵyz qoldanystaǵy vaktsınalaý pasportynyń elektrondy ekenin eskertti. Sonymen qatar Komıtette qazaqstandyqtardy muqııat bolýǵa shaqyryp, alaıaqtarǵa aldanbaýdy ótindi.