Vaktsınadan soń 6 aıdan keıin aǵzadaǵy antıdene deńgeıi tómendeıdi

ALMATY. QazAqparat - Vaktsınadan soń alty aıdan keıin aǵzadaǵy antıdene deńgeıi tómendeıdi. Bul týraly Almaty óńirlik kommýnıkatsııalar qyzmetiniń alańynda S.D. Asfendııarov atyndaǵy Qazaq ulttyq medıtsına ýnıversıtetiniń juqpaly jáne tropıkalyq aýrýlar kafedrasynyń professory Ravılıa Egemberdıeva aıtty, dep habarlaıdy QazAqparat tilshisi.

Spıkerdiń sózinshe, aǵzadaǵy antıdene deńgeıi tómendese, adam koronovırýs ınfektsııasyn juqtyryp alýy ábden múmkin.

«Baqylaý kórsetkendeı, alty aıdan keıin vaktsınatsııalanǵan antıdenelerdiń deńgeıi tómendeıdi, ıaǵnı aýrýdyń yqtımaldyǵy artady. Sondyqtan revaktsınatsııanyń máni zor. Aıta ketý kerek, barlyq vaktsınatsııa ómir boıyna qorǵamaıdy. Mysaly, sirespe aýrýyna qarsy vaktsına ár on jyl saıyn salynady. Gıpatıt V –ǵa bes jylda bir ret egiledi. Tumaýǵa qarsy ekpeni jylda alý kerek. Osyny- revaktsınatsııa deımiz»,- deıdi ol.

Sonymen qatar, ol revaktsınatsııa qalaı júrgiziletinin aıtty.

«KVI-ge qarsy revaktsınatsııalaý mynadaı aralyqtardy saqtaı otyryp júrgiziledi: vektorlyq vaktsınalardy engizgennen keıin - 9 aıdan keıin; belsendiligi joıylǵan vaktsınalardy jáne m-RNQ-vaktsınalardy engizgennen keıin - 6 aıdan keıin. Koronavırýsqa qarsy revaktsınatsııalaýdy KVI-ge qarsy alǵashqy vaktsınatsııalaý kýrsyna paıdalanylǵan vaktsınamen júrgizýge jol beriledi»,- dep naqtylady spıker.