Vaktsınatsııany qoldaý: Qazaqstandyq JOO-lar beınerolık joldaý aktsııasyn bastady
Ál-Farabı atyndaǵy Qazaq ulttyq ýnıversıteti, Abaı atyndaǵy Qazaq ulttyq pedagogıkalyq ýnıversıteti, D.Serikbaev atyndaǵy Shyǵys Qazaqstan tehnıkalyq ýnıversıteti, M. H. Dýlatı atyndaǵy Taraz óńirlik ýnıversıteti, Almaty tehnologııalyq ýnıversıteti, Ońtústik Qazaqstan memlekettik pedagogıkalyq ınstıtýty, Shákárim ýnıversıteti, M. Ótemisov atyndaǵy Batys Qazaqstan ýnıversıteti, Pavlodar pedagogıkalyq ýnıversıtetiniń bilim alýshylary men oqytýshylary beınerolıkter túsirip, áleýmettik jelilerde jarııalady. Beınejazbada vaktsınatsııalaýdyń qajettiligi týraly aıtylǵan.
«Men vaktsınanyń eki komponentin aldym. Barlyǵy jaqsy ótti, jaǵymsyz áseri bolǵan joq. Jalpy, stýdentter arasynda vaktsınatsııany yntalandyrý aktsııasyn qoldaımyn, óıtkeni kelesi oqý jylynda dástúrli formatta, ıaǵnı ýnıversıtet qabyrǵasynda oqyǵym keledi. Ol úshin biz ujymdyq ımmýnıtet qalyptastyrýymyz kerek. Men bul naýqandy qoldaımyn. Karantınge deıingi qalypty ómirge tek osylaı ǵana oralamyz», — dedi M.H. Dýlatı atyndaǵy Taraz óńirlik ýnıversıtetiniń stýdenti Ersultan Núsipjanov.
Koronavırýsqa qarsy vaktsınatsııa aktsııasyn ýnıversıtet oqytýshylary da belsendi qoldaıdy.
«Biz bárimiz azamattyq jaýapkershilik tanytyp, qaýipti vırýsqa qarsy vaktsınatsııalanýymyz kerek. Men barlyq stýdent pen oqytýshylardy ekpe alýǵa shaqyramyn. Vaktsınatsııa — koronavırýsty jeńýdiń jalǵyz joly. Ózderińizdi jáne jaqyndaryńyzdy saqtańyzdar», — dedi D.Serikbaev atyndaǵy Shyǵys Qazaqstan ýnıversıtetiniń oqytýshysy, PhD doktory Samat Baıgereev.