Vaktsınatsııalanǵan zeınetkerler arasynda sanatorııge joldamanyń utys oıyny tikeleı efırde ótedi
Vaktsınatsııalanǵan zeınetkerler arasynda sanatorııge joldamalardyń utys oıyny Nur-Sultan qalasy ákimdiginiń áleýmettik jelilerdegi (Facebook, YouTube) resmı paraqshalarynda erteń, 29 jeltoqsan kúni saǵat 17.00-de tikeleı efırde ótedi. Ekpe alǵan zeınetkerler arasynda Saryaǵash (Túrkistan oblysy), Oqjetpes (Aqmola oblysy), Moıyldy (Pavlodar oblysy) shıpajaılaryna tegin joldamalar oınatylady.
Utys oıynyna 28 qazan men 28 jeltoqsan aralyǵynda elordanyń kez kelgen vaktsınatsııa pýnktinde vaktsınanyń birinshi komponentin alǵan zeınetkerler qatysa alady.
Baıqaý ádettegideı avtomatty rejımde ótkiziledi. Azamattarǵa qujattardy toltyrýdyń jáne tirkeýden ótýdiń qajeti joq.
Esterińizge sala keteıik, Nur-Sultanda koronavırýsqa qarsy vaktsınatsııalanǵandardyń arasynda Maldıvke eki adamǵa joldama jáne basqa da baǵaly syılyqtar oınatylady.
Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol júlde ıelerin vaktsınatsııalanǵandardyń ID generatsııasy arqyly tańdaıdy. Ony ázirleýge IT-qaýymdastyq ta qatysty. Vaktsınalanǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.
Baǵaly syılyqtardyń utys oıyndary azamattardy vaktsınatsııalaýǵa yntalandyrý maqsatynda ótkiziledi. Tek vaktsınatsııa sizdiń jáne jaqyndaryńyz ben aınalańyzdaǵy adamdardyń densaýlyǵyn qorǵaýǵa múmkindik beredi.
Óıtkeni, basty maqsat - ujymdyq ımmýnıtetti damytý jáne burynǵy karantınge deıingi rejımge oralý.