Vaktsınatsııa koronavırýstan keıingi sındromnyń paıda bolý qaýpin tómendetedi - ǵalymdar

NUR-SULTAN. QazAqparat - Nıderlandy ǵalymdary The Lancet ǵylymı jýrnalynda postkovıdti sındrom týraly zertteýlerdiń tizimin jarııalady, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyna silteme jasap.

Olar vaktsınatsııa asqyný belgilerin jeńildetýge de, olardyń paıda bolýynan qorǵaýǵa da kómektesedi.

Ǵalymdardyń pikirinshe, koornavırýstan keıingi sındrom aýyrǵanǵa deıin vaktsınatsııalanǵan adamdarda az kezdesedi. Sondaı-aq, aýrýdan keıin vaktsınatsııa sımptomdardyń aýyrlyǵyn jeńildetedi dep aıtýǵa negiz bar.

Búgingi kúni bul jaǵdaıdyń belgilerin jeńildetetin basqa dáleldengen quraldar joq.

Sonymen qatar, zertteýshiler ózderiniń túsiniktemelerinde postkovıdti sındrom bir emes, birneshe aýrý bolýy múmkin, olardyń árqaısysy koronavırýstan týyndaǵan zaqymdanýdyń saldary ekenin atap ótti.

Sondaı-aq, Nıderlandy ǵalymdarynyń pikirinshe, Omıkron nusqasymen aýyrǵandarda koronavırýstan keıingi sındrom sırek kezdesedi.