Vaktsınatsııa alǵannan keıin ımmýnıtet qanshalyqty tez qalyptasady

NUR-SULTAN. QazAqparat – Vaktsına alǵan adamnyń boıynda ımmýndyq jaýap pen antıdeneler 2-3 aptada qalyptasa bastaıdy, dep habarlaıdy QazAqparat tilshisi.

Bul týraly Respýblıkalyq dıagnostıkalyq ortalyqtyń klınıkalyq ımmýnologııa, allergologııa jáne pýlmonologııa bóliminiń meńgerýshisi, medıtsına ǵylymdarynyń doktory Elena Kovzel aıtty.

«Immýndyq jaýaptyń ózi, qorǵanys ımmýndyq antıdeneleri 2-3 aptada qalyptasa bastaıdy. «M»-ımmýnoglobýlınniń alǵashqy qorǵanysh antıdeneleri vaktsınatsııadan keıin 7-8 kúnde óne bastaıdy. Al biz alǵymyz keletin ımmýnıtet eki-úsh aptadan keıin qalyptasady. Vaktsınanyń ekinshi dozasy osy sebepti úshinshi aptada engiziledi», - dedi ǵalym onlaın dáris barysynda.

Elena Kovzel vaktsınatsııa qalyptastyrǵan ımmýnıtettiń qansha ýaqyt saqtalatynyn da aıtty.

«Bul vaktsına tumaýǵa qarsy vaktsına sııaqty jumys isteıdi. Ózderińiz biletindeı, biz jyl saıyn tumaýǵa qarsy vaktsına alamyz. Kútiletin eń joǵary ımmýndyq jaýap, árıne, eki jyl. Immýndyq reaktsııanyń ózi jasýshalyq jáne gýmoraldy bolyp bólinedi. Jasýshalyq jad ómir boıyna qalady. Biraq bul vırýstan tolyq qorǵaný úshin jetkiliksiz jáne gýmoraldy ımmýndyq jaýap sııaqty tez jumys istemeıdi. Eger biz qalypty ımmýndyq reaktsııany qarastyratyn bolsaq, eki jylǵa sozylady», - dedi maman.