Vaktsına sapasy qalaı tekseriledi - maman túsiniktemesi

NUR-SULTAN. QazAqparat - Dárilik zattar men medıtsınalyq buıymdardy ulttyq saraptaý ortalyǵynyń úılestirýshisi, medıtsına ǵylymdarynyń kandıdaty Sáýle Búrkitbaeva vaktsına sapasy qalaı tekseriletinin túsindirdi, dep habarlaıdy QazAqparat tilshisi.

«Vaktsınany tekserý aldynda sarapshylarymyz vaktsına shyǵaratyn óndiriske baryp, jabdyqtaryn, múmkindikterin, barlyq jaǵdaıyn standarttar men algorıtmder boıynsha tekseredi. Munan soń sarapshylar vaktsınaǵa bergen qujattardyń, ıaǵnı epıdemıologııalyq tıimdiligin, ımmýnogendik qasıetterin, klınıkaǵa deıingi klınıkalyq zertteýlerdiń, tirkeýden keıingi zertteýlerdiń nátıjesine berilgen málimetterdi dáleldeıtin qujattarǵa taldaý jasap tekseredi. Sodan keıin baryp bizdegi ulttyq jáne halyqaralyq standarttar boıynsha akkredıtatsııadan ótken Dárilik zattar men medıtsınalyq buıymdardy ulttyq saraptaý ortalyǵynyń zerthanalarynda taǵy da tekserýden ótedi», - dedi ol.

Sarapshynyń atap ótýinshe, atalǵan zertteýlerdiń qorytyndysyna súıene otyryp, memlekettik ýákiletti organ vaktsınany tirkeý týraly kýálik berýge sheshim qabyldaıdy.

Qazirgi tańda memlekettik dárilik zattar men medıtsınalyq buıymdardyń tiziminde Belgııa, Frantsııa, Nıderlandy, Reseı, Qytaı, Úndistan, Koreıa jáne Izraıl syndy elderdiń iri óndirýshileriniń 64 vaktsınasy tirkelgen. Onyń ishinde M.Aıqynbaev atyndaǵy karantındik jáne zoonozdyq juqpalar Qazaq ǵylymı ortalyǵynda jasalǵan bir otandyq vaktsına bar.

«Vaktsına Qazaqstanǵa jetkizilgennen keıin de ári qaraı zertteý júrgiziledi. Vaktsınany qoldaný kezindegi jaǵymsyz áseri týraly málimetter jınaqtalatyn, taldanatyn ári baǵalanatyn farmakologııalyq baqylaý jáne olardy qaýipsiz qoldanýdy baqylaý júıesi jumys isteıdi. ıAǵnı, vaktsına Qazaqstanǵa kelgennen keıin onyń ár serııasyna, toptamasyna baqylaý júrgizilip otyrady. Monıtorıng barysynda bolatyn jaǵymsyz reaktsııalar, barlyq anyqtalǵan jaǵdaılar taldanady», - dedi Sáýle Búrkitbaeva.

Onyń atap ótýinshe, vaktsınany qoldanǵan kezde bolatyn janama jaǵymsyz áserler nusqaýlyqta tolyq jazylady.

«Taǵy bir aıtyp ketetin jaıt, Qazaqstandaǵy vaktsınanyń basym kópshiligi - Dúnıejúzilik densaýlyq saqtaý uıymynyń dárilik zattar prekvalıfıkatsııasynan ótken, tıisti óndiristik standarttarǵa sáıkes jasalǵan vaktsınalar»,- dedi ol.