Vaktsına saldyrǵandardyń denesi ekpe óndirýshilerge beriledi degen feık tarady

NUR-SULTAN. QazAqparat - Qaznet qoldanýshylary vaktsınatsııa pasporty egilgen adam óz denesin vaktsına ázirlegen korporatsııalarǵa beretini týraly kelisim degen erekshe teorııany alǵa tartty. Olar buryn-sońdy alynǵan ekpeler qaǵazǵa jazylmaǵandyqtan osyndaı tujyrymǵa kelgen. Bul olaı emes, dep habarlaıdy Stopfake.kz.

Aıta keteıik, COVID-19 vaktsınatsııa pasporty jańashyldyq ekeni sózsiz, biraq bul buǵan deıin adam alǵan vaktsınalar týraly málimetter esh jerde tirkelmegen degenniń belgisi emes.

Qazaqstanda balalarǵa arnalǵan egý pasportynyń nysany bekitildi, onda alynǵan vaktsınalar boıynsha belgiler qoıylady.

Demek, COVID-19 qarsy vaktsınatsııa ǵana emes, sonymen qatar basqa aýrýlarǵa da qatysty málimetter qaǵazǵa jazylady.

Vaktsınatsııa pasporty birdeńe berý boıynsha kelisim bolyp sanalmaıdy. Onda taraptardyń quqyqtary men mindetteri kórsetilmegen, berýshi men alýshynyń qoldary jáne mindetti túrde osyndaı qujattarda bolýy tıis basqa da elementter joq.

Vaktsınatsııa pasportynda egilgen adamnyń aty, tegi jáne ákesiniń aty, ımmýndaý júrgizilgen medıtsınalyq mekemeniń ataýy, alynǵan preparattyń ataýy jáne egilgen kúni ǵana kórsetilgen.

Vaktsınatsııadan keıin adam taýarǵa jáne onyń denesine jáne DNQ-na aınalady degen teorııa konspırologııalyq.

Bul COVID-19 qarsy vaktsına DNQ-ny ózgertedi degen ǵylymǵa qaıshy boljamǵa jáne AQSh Joǵarǵy sotynyń jalpy vaktsınalarǵa, ásirese COVID-19-ǵa eshqandaı qatysy joq qaýlysyna negizdelgen.

Bul teorııany tolyqtaı teriske shyǵarý týraly myna jerden oqýǵa bolady.

Qoryta aıtqanda, vaktsınatsııa týraly derekter kóp jyldar boıy egý pasporttarynda tirkelip keledi, COVID-19 qarsy vaktsınalar da erekshelik emes.

Bul rette vaktsınatsııa pasporty kelisim bolyp tabylmaıdy.

Egilgen adamdar vaktsına jasaıtyn korporatsııalardyń menshigine aınalady degen teorııa - konspırologııalyq jáne eshqandaı dáleli joq.