Vaktsına alý - azamattyq paryzym: Astanalyqtar ekpeni qalaı alyp jatyr
Elorda jurtynyń vaktsına alý barysyn qadaǵalaý maqsatynda «Hanshatyr», «Kerýen», «Abý-Dabı Plaza» jáne «MEGA Silk Way» oıyn-saýyq jáne saýda ortalyǵyn araladyq.
Aıta ketsek, búginde qala boıynsha 80-nen astam vaktsına alý beketi jumys istep tur jáne oǵan 300-den astam maman jumyldyrylǵan.
Qazirgi ýaqytta Hanshatyr oıyn-saýyq jáne saýda ortalyǵyndaǵy vaktsına alý beketinde Spýtnık jáne Vero Cell (Sinopharm) qoljetimdi eken.
«Osy jerde 2 volonter jumys isteımiz. Bizdiń mindet kelýshilerge kómek kórsetý. ıAǵnı vaktsına alýǵa qatysty suraqtarǵa jaýap beremiz. Kelýshilerdiń sany árkezde árqalaı, mysaly dúısenbi óte kóp boldy, búgin adamnyń qarasy azdaý. Bizdiń belgili jumys kestemiz bar, men tańerteńgi saǵat 9-dan keshki 17:00-ge deıin osyndamyn. Óz basym vaktsına alýdy qoldaımyn, men Spýtnıktiń birinshi komponentin aldym, jýyrda ekinshisin alamyn», - dedi volonter (aty-jónin kórsetpeýdi ótindi).
Atalǵan saýda úıinde ornalasqan vaktsına beketine halyq endi jınala bastady.
«Men búgin Spýtnıktiń ekinshi komponentin alýǵa kelip otyrmyn. Birinshi dozany sátti aldym, eshqandaı keri áseri bolmady. Ekpe árkimge árqalaı áser etedi, keıbireýler vaktsına alǵannan keıin ózin jaısyz sezinip jatyr eken dep estip jatamyn. Men de bári oıdaǵydaı boldy. Bul joly da solaı bolady dep oılaımyn, kezegimdi kútip otyrmyn», - deıdi qala turǵyny Jumagúl Begýlına.
Óz kezegimizde mamannyń pikirin bilýdi de jón kórdik.
«Bastapqydaǵydaı emes qazir vaktsına alýshylardyń qarqyny jaqsy. Ózim ekpeni aqpan aıynda alǵam. Al vaktsına alý beketinde sáýir aıynan bastap jumys istep kelem. Kóbinese keshqurym adam aǵylady, jumystan soń keledi-aý deımin. Demalys kúnderi de ekpe alýǵa nıettiler jetkilikti. Keıbir kelýshiler vaktsına alǵysy kelgenimen biraq úreı, qorqynyshtyń baryn aıtady, ondaı jaǵdaıda bizdiń mamandar óz keńesin usynady. Bastysy halyq óz erkimen kelip jatyr, ekpe alýǵa nıetti», - dedi vaktsına salýshy medbıke Gúlzada Ahmetova.
Ekpe salý oryndarynda negizgi mamandardan bólek, qajet jaǵdaıda medıtsınalyq keńesin usynatyn qyzmetker de bar eken.
«Men osy jerdegi vaktsına alý protsesin uıymdastyrýǵa jaýaptymyn. Odan bólek, mamandar men kelýshilerdiń vaktsınaǵa qatysty suraqtaryna jaýap berip, keńes beremin. Bizdiń bekette kelýshiler úshin barlyq jaǵdaı jasalǵan. Kelgen adam aldymen saýalnama toltyrady, sodan soń terapevt mamannyń qaraýynan ótedi. Mamannyń ruqsatynan soń kezek boıynsha qalaǵan ekpeni alady. Ekpeden soń jarty saǵattaı otyryp, demalǵany abzal. Qajet jaǵdaıda mamandarymyz ekpe alýǵa kómegin usyna alady. Men ózim bul jerde 25 tamyzdan beri jumys istep kelemin, osy ýaqyt aralyǵynda 2 myńnan adamdy qabyldadym. Vaktsınalardy saqtaýǵa da kóp mán beriledi. Arnaıy muzdatqyshta, belgilengen temperatýrada saqtalady. Odan bólek, kelýshilerge vaktsına alǵannan keıingi talaptar túsindiriledi. Nemese úıine barǵan soń ózin jaısyz sezinse ne isteý kerek jáne habarlasý qajettigin aıtamyz», - dedi konsýltant-dáriger Maıkamal Esilbaeva.
Sondaı-aq, dáriger atalǵan beketke kelýshiler kóbinese Vero Cell (Sinopharm) jáne QazVac vaktsınasyn alyp jatqanyn tilge tıek etti.
Saýda úılerin aralaý kezinde vaktsına beketinen «Astana Opera» opera jáne balet teatrynyń solısi, tanymal ártis, Beıimbet Tańaryqovty kezdestirdik.
«Vaktsınanyń birinshi komponentin alýǵa keldim. Tańdaýym reseılik vaktsınaǵa tústi. Óz basyn jáne aınalasyndaǵy jandardy indetten qorǵaý úshin vaktsına alý kerek dep oılaımyn. Otbasymyzdy, jaqyndarymyzdy, dos-áriptesterimizdi qorǵaýymyz kerek. Meniń áriptesterim de vaktsına alyp jatyr», - deıdi ol.
Saýda ortalyqtarynda vaktsına beketteri jumys jáne demalys kúnderi jumys istep tur. Mamandardyń aıtýynsha, vaktsına alýǵa nıet bildirýshilerdiń qatarynda COVID-19-ben aýyryp shyqqandar da bar eken.
«Qazir bizde Spýtnık, Vero Cell (Sinopharm) jáne QazVac vaktsınasy bar. Vaktsına almas buryn patsıent saýalnama toltyryp, terapevt mamanyń tekserýinen ótedi. Ekpe alýǵa kelgenimen keıde ol adamǵa medıtsınalyq turǵydan ruqsat joq bolyp shyǵady. Ondaı sátti dárigerler qadaǵalap otyrady. Qalaı bolady eken dep úreımen keletinder me bar. Sol sııaqty koronavırýspen aýyrǵan soń ekpe alýǵa bel býǵandarda kelip jatady. Men halyqqa vaktsına egýmen osy bekette 6 aı jumys istep kelemin. Jumys ýaqyty tańerteńgi saǵat 10:00-nan keshki 22:00-ge deıin», - dedi vaktsına salýshy maman Janerke Jaılaýova.
Biz bolǵan 4 oıyn-saýyq jáne saýda ortalyqtaryndaǵy vaktsına alý beketine halyqtyń túski úziliste jáne keshke aǵylatyny baıqaldy.
«Vaktsına alýǵa qatysty biraz oılanyp júrdim. Másele kúdiktengenimde emes, qaı túrin alsam eken dep. Oılana kele Spýtnık alýdy sheshtim. Otbasymda menen basqalary áldeqashan alyp qoıǵan. Sosyn mende ýaqytty sozbaıyn dedim, densaýlyqpen oınaýǵa bolmaıdy. Jalpy vaktsına alýdy densaýlyqtan bólek, azamattyq paryzym dep oılaımyn. Ázirge ózimdi jaqsy sezinim turmyn, eshqandaı keri áseri sezilmeıdi», - deıdi astanalyq Omarbek Qaltaev.