Vaktsına alǵandardyń 0,37 paıyzy koronavırýs juqtyrǵan

NUR-SULTAN. QazAqparat – Koronavırýsqa qarsy vaktsına alǵan adamdar arasynda vırýs juqtyrý kórsetkishi qandaı? Bul suraqqa Ortalyq kommýnıkatsııalar qyzmetinde ótken brıfıngide QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova jaýap berdi, dep habarlaıdy QazAqparat tilshisi.

«Vaktsınatsııadan keıin vırýs juqtyrǵandardyń sanyna keletin bolsaq, búginde bul 29 212 adam nemese vaktsınalanǵandardyń 0,37% syrqattanǵan. Birinshi komponentten keıin – 8 631, ekinshi komponentten keıin – 20 581 adam. Vaktsınalardyń túri boıynsha jiktesek, «Spýtnık V» – 24 766 nemese egilgender sanynyń 0,4% (birinshi komponent – 7 319, ekinshi komponent – 17 447). QazVac boıynsha ekpe alaǵandardyń 0,2% nemese 655 adam. 255 adam birinshi komponentten keıin, 400 adam ekinshi komponentten keıin», - dep túsindirdi Aıjan Esmaǵambetova.

Onyń sózine qaraǵanda, CoronaVac vaktsınasyn alǵandardyń 0,3% nemese 824 adam (birinshi komponentten keıin – 264, ekinshi komponentten keıin – 560) vırýs juqtyrǵan. Sinofarm boıynsha 2930 adam nemese ekpe qabyldaǵandardyń 0,2% (birinshi komponentten keıin – 781, ekinshi komponentten keıin – 21 049) koronavırýsqa shaldyqqan.

«Sondaı-aq, Pfizer boıynsha – 23, Astra Zeneca boıynsha – 4, Moderna boıynsha – 3 jaǵdaı tirkeldi. ıAǵnı, vaktsına alǵandardyń arasynda vırýs juqtyrǵandardyń úlesi áli de az» - dedi komıtet basshysy.