Vaktsına alǵandar arasyndaǵy utys oıynynyń jeńimpazdary anyqtaldy - Pavlodar
Utys kásipker Nurgúl Aıǵojınanyń Instagram-akkaýntynda tikeleı efırde ótti, dep habarlaıdy QazAqparat Pavlodarnews.kz -ke silteme jasap.
COVID-19 vaktsınasyn alǵan jeti myń pavlodarlyq Nurgúl Aıǵojına men onyń dostary usynǵan eki úlken utysqa úmitker boldy.
Jeńimpazdardy lototronnan talondy kezdeısoq tańdaý arqyly pretty_women_pvl paraqshasynda tikeleı efırde anyqtady.
Lototronnan shyqqan birinshi kýponnyń ıesi Pavlodarda bolǵan joq. Al bul utys oıynynyń basty sharttarynyń biri - jarty saǵat ishinde jeke kýálikpen jáne utys kýponynyń túbirtegimen kelýi tıis.
- Lototrondy qalaı buratynymyz, kýpondardy qalaı alyp, jeńimpazdarǵa aqshany qalaı tabystaıtynymyz ashyq bolýy tıis, - dedi Nurgúl Aıǵojına.
Basqa eki pavlodarlyq tez keldi.
Mýzafar Álimbaev atyndaǵy mektep muǵalimi Elena Tankovaǵa bir mıllıon teńge tabys etildi. Ol 9 shildede vaktsına alǵan.
«Spýtnık V» vaktsınasynyń alǵashqy komponentin alǵan áıeldiń aıtýynsha, ol azdap aýyrǵan, biraq qazir ózin jaqsy sezinedi.
- Mundaı sáttilikke birden senbedim, qaljyń shyǵar dep oıladym, - deıdi áıel. - Taksımen tez kelip, aqshalaı syılyq aldym. Barlyǵyn vaktsına alýǵa shaqyramyn. Meniń otbasym COVID-19-men aýyrdy, biz bul aýrýdyń qanshalyqty qaýipti ekenin bilemiz.
Nurgúl Aıǵojına 34 jastaǵy Marat Temirbaevqa da 500 myń teńge tabys etti. Er adam «Spýtnık V» ekpesiniń birinshi komponentin 8 shildede alǵan.
Nurgúl Aıǵojına estafetany áriptesi Jamıla Ernazarovaǵa tabystady. Kásipker 1 mln teńge utys qoıady.
- Men de shette qalmaı, bizdiń bıznesmenderdiń chellendjin qoldaýǵa sheshim qabyldadym, - dedi Jámıla Ernazarova. – Jańa baıqaý 2021 jyldyń 12-18 shilde aralyǵynda ótedi.
Utys sharttaryn zhamilya_ernazarova Instagram-paraqshasynan tabýǵa bolady.
Esterińizge sala keteıik, vaktsına alǵan pavlodarlyqtar arasynda restorator jáne shoýmen Aıdar Qurymbaev uıymdastyrǵan utysta bir mln teńgeniń alǵashqy ıegeri oblys ortalyǵynyń turǵyny Anastasııa Grınchenko boldy.
Pılottyq utys oıynynda eriktiler tórt myń kýpon jınady.
Qatysýshylardyń burynǵy sharty - 12-18 shilde aralyǵynda koronavırýsqa qarsy egý jáne kýpondy toltyrý.
Jeńimpaz 18 shilde kúni saǵat 19:00-de anyqtalady.