Vaktsına alǵan qazaqstandyqtar Taılandqa mindetti karantınsiz saparlaı alady

NUR-SULTAN. QazAqparat – Vaktsına alǵan qazaqstandyq týrıster Taılandqa mindetti karantınsiz kire alady, dep habarlaıdy QazAqparat.

Bul týraly Taıland týrıstik basqarmasynyń Qazaqstandaǵy ókildigi málim etti.

Qazaqstandyq týrıster Taılandqa karantındik shekteýsiz bara alady

«Qazaqstan rezıdentterine ushyp kelgen kezde vıza alýǵa bolatyn elderdiń tizimine endi. 1 qazannan bastap vaktsınatsııalanǵan qazaqstandyqtar Taıland Koroldigine mindetti karantınnen ótpeı-aq qaıta bara alady. Qazirgi ýaqytta qazaqstandyqtarǵa qoljetimdi Sputnik V vaktsınasyn Taıland Densaýlyq saqtaý mınıstrligi sertıfıkattaǵan. Qazaqstandyqtar týrıstik vızany ushyp kelgennen keıin resimdeı alady. Vızanyń merzimi– 15 kúnge deıin», - dep jazady Máskeýlik keńseniń Qazqastandaǵy ókildigi.

Taıland taraby usynyp otyrǵan týrıstik baǵdarlamalar: boıynsha, týrıster patshalyqqa ushýǵa deıin keminde 14 kún buryn vaktsınanyń tolyq dozasyn alýy kerek.

Taıland Koroldiginiń Densaýlyq saqtaý mınıstrligi Sinovac, Astra Zeneca, Janssen, Pfizer, Moderna, Vero Cell, Covisheld, Sputnik V vaktsınalaryn sertıfıkattaǵan.