Vaktsına alǵan adam 2 jyldan keıin qaıtys bolady degen aqparat – jalǵan

NUR-SULTAN. QazAqparat – «Vaktsına saldyrǵan adam eki jyldan keıin qaıtys bolady» degen aqparat jalǵan. Bul týraly QR DSM Qoǵamdyq densaýlyq saqtaý ulttyq ortalyǵy «Sanıtarlyq-epıdemıologııalyq saraptama jáne monıtorıng ǵylymı- praktıkalyq ortalyǵy» fılıaly dırektorynyń orynbasary m.a. Manar Smaǵul aıtty, dep habarlaıdy QazAqparat.

«Halyq arasynda vaktsına saldyrǵan soń, adam eki jyldan keıin qaıtys bolady eken degen habar tarap jatyr. Ǵalamtordaǵynyń bári tekserilgen aqparat emes, degemen kóp adam oǵan senip qalady. Osy jóninde maman retinde ne aıtasyz?», - degen suraq qoıyldy Ortalyq kommýnıkatsııalar qyzmetinde.

«Munyń feık ekenin aıtyp jatyrmyz. Osyndaı jalǵan aqparattyń kóp taralýynan vaktsınalaý týraly áli oılanyp júrgender kóp. Sol oılanyp júrgen adamdarǵa osyndaı jalǵan aqparat taralýda. Jalpy vaktsınalaýdy densaýlyq saqtaý salasynda birinshi jyl qoldanyp jatqan joqpyz. Ózderińiz bilesizder, balalar arasynda qyzylshaǵa, qyzamyqqa qarsy, pnevmokokk juqpasyna qarsy vaktsınalaý júredi. Onyń tıimdiligi búgingi kúni dáleldengen. Ásirese sal aýrýyn alyp qarasaq, vaktsınalaý arqasynda dúnıejúzinde sal aýrýy tirkeletin úsh-aq aımaq bar», - dep atap ótti maman.

Al koronavırýske qarsy vaktsınanyń qoldanylyp jatqanyna jarty jyldan endi ǵana asty. Byltyrǵy jeltoqsan aıynan bastap Izraıl, AQSh elderinde qoldanyla bastady.

«Sondyqtan, eki jyldan keıin adam óledi degeni – naǵyz feık. Búginde mysaly naqty derekter joq, qaıtadan revaktsınalaý júrgizý kerek pe, joq pa, munyń bári áli zerttelip jatyr. Sondyqtan, tolyqqandy feık dep aıtýǵa bolady. Oǵan da taǵy bir dáleli – vaktsına alǵandar arasynda aýyrǵan adamdar sany óte tómen. Ol da vaktsınalaýdyń, aýrýdyń aldyn alýdyń tıimdiligin kórsetedi.

ıAǵnı, bul feıkke qarama-qarsy aıtarym – koronavırýs juqtyrǵannan keıin 1-2 aptada ólip ketý qaýpi joǵary. Sol sebepti ár adam oılanyp, derekti aqparatty oqyp, sheshim qabyldaǵany jón dep oılaımyn», - deıdi Manar Smaǵul.