Vaktsına adam aǵzasynyń ımmýndyq júıesin kúsheıtedi – dáriger

ALMATY. QazAqparat- Vaktsınalar adam aǵzasynyń ımmýndyq júıesin kúsheıtedi. Bul týraly onlaın brıfıng barysynda Almatydaǵy Qoǵamdyq densaýlyq basqarmasyna qarasty №5 qalalyq klınıkalyq aýrýhananyń dáriger-ınfektsıonısi Olga Antıpova aıtty, dep habarlaıdy QazAqparat tilshisi.

Spıkerdiń sózinshe, vaktsınalar jyl saıyn mıllıondaǵan adamnyń ómirin saqtap qalady. Olar adam aǵzasyna birdeı áser etedi.
«Vaktsınalar adam aǵzasynyń ımmýndyq júıesin kúsheıtedi, dertke qarsy turady. Ekpe saldyrǵan adam aýrýdyń aldyn alady», - dedi dáriger.
Olga Antıpova qazirgi ýaqytta Qazaqstanda Hayat-Vax, QazVac, SoronaVak, Vero Cell jáne «Spýtnık-V» vektorly vaktsınasy qoldanylatynyn jetkizdi.
«Ár emhanada ekpe pýnktteri ashyq, turǵyndarǵa yńǵaıly bolý úshin ekpe pýnktteri saýda ortalyqtary men bazarlarda ornalasqan. Mysaly, №5 qalalyq klınıkalyq aýrýhanada eki ekpe pýnkti bar, taǵy bir ekpe pýnkti «Dostyqá Plaza» saýda ortalyǵynda ornalasqan.
Barlyq ekpe pýnktteri vaktsınanyń túrine baılanysty temperatýrany saqtaý sharttary bar tońazytqysh qondyrǵylarymen jabdyqtalǵan: ınaktıvti vaktsınalar úshin plıýs 2°C-tan plıýs 8°C-qa deıin jáne «Spýtnık-V» vektorlyq vaktsınasy úshin mınýs 18°C jáne odan tómen», - dedi spıker.
Sonymen qatar, ol vaktsınalaný aldynda saýalnama júrgiziletiniń tilge tıek etti.
«Dárigerdiń mindetti vaktsına alýǵa kelgen adamnyń dene temperatýrasyn ólsheý, epıdemıologııalyq anamnez jınaý, qan qysymyn ólsheý.Barlyq derekterdi taldaı otyryp, dáriger vaktsınatsııaǵa ruqsat berý týraly sheshim qabyldaıdy.
«Iá, biz keıbir adamdardyń vaktsınadan keıin syrqattanýyn kórip jatyrmyz, biraq olardyń sany az jáne olar jeńil túrde aýyrady. Sondyqtan men jurtshylyqty ekpe saldyrýǵa shaqyramyn. Óıtkeni, ujymdyq ımmýnıtetke qoljetkizgende ǵana biz pandemııaǵa qarsy tura alamyz «, - dedi dáriger-ınfektsıonıst.