Vagon-meıramhanasy isteı bastaǵan jolaýshylar poıyzynyń tizimi jarııalandy

NUR-SULTAN. QazAqparat – 9 poıyzda vagon-meıramhana jolaýshylardy tamaqtandyrady, dep habarlaıdy QazAqparat «Jolaýshylar tasymaly» AQ baspasóz qyzmetine silteme jasap.

QR Kóliktegi Bas memlekettik sanıtarlyq dárigerdiń 24 tamyzdaǵy № 56 «Jolaýshylar poıyzdaryndaǵy qoǵamdyq tamaqtandyrý obektilerinde shekteý sharalary jáne olardy kezeń – kezeńimen jeńildetý týraly» qaýlysyna sáıkes, jolaýshy poıyzdarynda qoǵamdyq tamaqtandyrý obektileriniń (vagon-meıramhanalar, vagon-barlar jáne kýpe-býfetter) kezeń-kezeńimen iske qosyla bastady.

«Jolaýshy poıyzdarynda qoǵamdyq tamaqtandyrý obektileriniń qyzmeti karantın sharalary men sanıtarııa-dezınfektsııa rejımin qatań saqtaı otyryp júrgiziledi. Qaýlyǵa sáıkes jolaýshylar óz vagonyna tamaqqa tapsyrys bere alady, sondaı-aq vagon-meıramhanalarynyń ishinde túski as ishýge ruqsat berilgen. Alaıda bul turǵyda vagon-meıramhana 50%-dan artyq tolmaýy tıis», delingen habarlamada.

Ulttyq tasymaldaýshy jolaýshylar poıyzdarynda maska rejımi bar ekendigin, sonymen birge keminde 1 metr ara qashyqtyqty saqtaı otyryp, vagondar arasynda júrýge jolaýshylarǵa ruqsat etilgendigin atap ótti.

7 qyrkúıektegi jaǵdaı boıynsha qatynaıtyn qoǵamdyq tamaqtandyrý obektileri bar jolaýshylar poıyzdarynyń tizimi:

1. № 711/712 «Nur-Sultan-Shymkent» (vagon-meıramhana, vagon-bar)

2. № 705/706 «Almaty-Petropavl» (vagon-meıramhana, vagon-bar)

3. № 3/4 «Almaty- Nur-Sultan» (vagon-meıramhana, vagon-bar)

4. № 11/12 «Almaty-Shymkent» (vagon-meıramhana, vagon-bar)

5. № 10/9 «Nur-Sultan -Almaty» (vagon-meıramhana)

6. № 24/23 «Aqtóbe-Almaty» (vagon-meıramhana)

7. № 34/33 «Aqtóbe-Almaty» (vagon-meıramhana)

8. № 379/380 «Almaty-Oral» (kýpe-býfet)

9. № 353/354 «Nur-Sultan-Semeı» (kýpe-býfet)