Vadım Basın: AMT menshik ıesiniń aýysýy jumysshylar aldyndaǵy mindettemelerge áser etpeıdi

<p>"ArselorMıttal Temirtaý" menshik ıesiniń aýysýy qyzmetkerler aldyndaǵy mindettemelerge esh áser etpeıdi. Tólem sharttary, áleýmettik kepildikter saqtalady. Shahtalarda birinshi kezekte eńbek qaýipsizdigin arttyrýǵa nazar aýdarylady. Bul týraly Vadım Basın málimdedi, dep habarlaıdy <a href="https://www.gov.kz/memleket/entities/karaganda" target="_blank" data-tip="true" rel="noopener">Qaraǵandy oblysynyń ákimdigi.</a></p>

– Keshe Memleket basshysy qaza tapqan jáne zardap shekken kenshilerdiń týystarymen kezdesýde kompanııanyń problemalyq aktıvterine qatysty ınvestormen qarym-qatynas toqtatylatynyn málimdedi. Bul rette bir jaıt erekshe atap ótildi, jáne de kompanııanyń búkil ujymyna birden aıta ketilgeni: jumys sharttarynda, tólemderde, áleýmettik kepildikterde eshqandaı ózgerister bolmaıdy. Olardy jaqsartý turǵysynan ǵana qaıta qaralatyn jaǵdaılar qalady. Bul kompanııanyń ári qaraı jumys isteýi jáne áleýmettik jaýapty bolýy úshin qajetti shart. Ujymnyń birde-bir múshesi jumystan shyǵarylmaıdy, ujymnyń birde-bir múshesiniń quqyǵy tómendetilmeıdi, – dep atap ótti Vadım Basın.

Shahtalarda birinshi kezekte eńbek qaýipsizdigin arttyrýmen jáne negizgi qorlardy jańartýmen aınalysatyn bolady.

Qazir qaza tapqan kenshilerdiń týystary men jaqyndaryna psıhologııalyq kómek kórsetilýde. Kásibı psıhologtar jumys istep jatyr.

Jedel jeli jumys isteýde: Qaraǵandyda (8-7212) 51-72-23 (TJD), (8-7212) 49-72-70 ("ArselorMıttal Temirtaý") jáne Astanada – (8-7172) 70-41-08.