VADA Golovkın men Derevıanchenkonyń dopıng-test qorytyndysyn jarııalady

NUR-SULTAN. QazAqparat – Qazaqstandyq kásipqoı boksshy Gennadıı Golovkın (40-1-1, 35KO) men ýkraınalyq Sergeı Derevıanchenkodan (13-2, 10KO) aıqasqa deıin jáne odan keıin alynǵan dopıng-testterdiń qorytyndysy jarııalandy, dep habarlaıdy QazAqparat tilshisi.

VKontakte áleýmettik jelisindegi «Qazaqstan kásipqoı boksy» paraqshasynda málim etilgendeı, VADA Gennadıı Golovkın men Sergeı Derevıanchenkoǵa «Adal boks» baǵdarlamasy aıasynda dopıng-testten ótýge usynys bildirgen.

«Gennadıı Golovkın men Sergeı Derevıanchenkony quttyqtaǵymyz keledi. Olar erikti dopıng-testileý baǵdarlamasynan sátti ótti», - dep jazdy VADA Twitter-de.

Eske sala ketsek, 6 qazanda Nıý-Iorktegi Madison Square Garden arenasynda qazaqstandyq kásipqoı boksshy Gennadıı Golovkın (39-1-1, 35 KO) ýkraınalyq Sergeı Derevıanchenkomen (13-1, 10 KO) jekpe-jek ótkizip, jeńiske jetken bolatyn.