V. ıAnýkovıch N. Azarovtyń otstavkasyn qabyldady

ASTANA. QazAqparat - Ýkraına prezıdenti Vıktor ıAnýkovıch premer-mınıstr Nıkolaı Azarovtyń otstavkasyn qabyldady. Bul týraly memleket basshysynyń baspasóz qyzmetine silteme jasap, RBK habarlady.

Ýkraınalyq zańnamaǵa sáıkes premerdiń otstavkaǵa ketýi barlyq mınıstrler kabınetiniń otstavkaǵa ketýin bildiredi.

N. Azarov búgin tańerteń otstavkaǵa ketýge ótinish berdi.

«Memlekette oryn alǵan qaqtyǵystar Ýkraınanyń ekonomıkalyq jáne áleýmettik damýyna qaýip tóndiredi, ýkraındyq qoǵamǵa jáne eldiń ár azamatyna zııanyn tıgizýi múmkin. Úkimet qaqtyǵysty beıbit sheshý maqsatynda osyndaı qadamǵa bardy, biz qan tógilmeý úshin, halyqtyń kóterilmeýi úshin, azamattardyń quqyqtarynyń buzylmaýy úshin osylaı jasadyq jáne ol úshin bárin jasaýǵa daıynbyz. Úkimet shuǵyl jaǵdaılarda ekonomıkanyń jáne áleýmettik qorǵaý júıeleriniń jumys isteýin qamtamasyz etti", - dep málimdedi ol.

N. Azarov óz málimdemesinde otstavkaǵa ketýine qaqtyǵystyń ýshyǵýy men qaýiptiligi májbúrlegenin basa aıtty. Bul rette ol: «Qazir eń mańyzdysy - Ýkraınanyń birligi men tutastyǵyn saqtaý, - dedi, - Bul qandaı da bir jeke josparlar men keýdemsoqtyqtyń aldynda asa mańyzdy».