V.Shkolnık: 2020 jyldan keıin Qazaqstanda jylyna 100 mln. tonna munaı óndiriledi

ASTANA. QazAqparat - 2020 jyldan keıin Qazaqstanda jylyna 100 mln. tonna munaı óndiriledi. Bul týraly búgin elordada ótip jatqan «Tranzıttik dálizdi damytý - jahandyq energetıkalyq qaýipsizdik kilti» atty Energetıkalyq hartııa konferentsııasynda QR Energetıka mınıstri Vladımır Shkolnık málim etti.

«Táýelsizdik jyldary ishinde biz munaıdyń dáleldengen mol qory boıynsha úzdik 15 al gaz qory boıynsha úzdik 20 memlekettiń qataryna endik. Sonǵy jıyrma jyl ishinde bizdiń elimizde munaı óndirý kólemi úsh eseden astamǵa ósti jáne táýligine 1,6 mln. barell munaı óndiriledi», - dedi mınıstr.

Onyń aıtýynsha, osy ýaqyt aralyǵynda elimizde gaz óndirý kólemi de bes esege artqan. Búginde Qazaqstanda jyl saıyn 40 mlrd. tekshe metrden astam gaz óndirilý ústinde.

«Bizdiń boljamymyzsha, 2020 jyldan keıin Qazaqstandaǵy munaı óndirý kólemi jylyna 100 mln. tonnadan asyp jyǵylatyn bolady nemese táýligine eki mıllıon barreldi quraıdy», - dedi V.Shkolnık.