V.Klıchko radıkaldardy V.ıAnýkovıchpen kelissózder kezinde bitimge kelýge shaqyrdy

ASTANA. 23 qańtar. QazAqparat - «Ýdar» oppozıtsııalyq partııasynyń kóshbasshysy Vıtalıı Klıchko Kıev ortalyǵyndaǵy barrıkadadaǵy radıkaldardy bılik pen oppozıtsııa arasyndaǵy kelissózder aıaqtalǵanǵa deıin bitimge kelýge shaqyrýda. Bul týraly Grýshevskıı kóshesindegi oqıǵa ornynan tikeleı kórsetilim júrgizip jatqan espreso.tv telearnasy habarlady.

Aıta keteıik, búgin Ýkraına Prezıdenti ákimshiliginde Memleket basshysy Vıktor ıAnýkovıch pen oppozıtsııalyq partııalar kóshbasshylary arasynda eldegi saıası daǵdarystan shyǵý joldaryn talqylaýǵa arnalǵan kezekti kelissózder ótýi tıis. «Kelissózder aıaqtalǵanǵa deıin biz bitim jasaıtyn bolamyz. Men saǵat 8-ge deıin kelip, nátıjeleri týraly aıtyp beremin. Olar da sol ýaqytqa deıin «eshqandaı granat» qoldanbaıtyndyǵyna ýáde etti», - dedi V.Klıchko.