V.Foos koreılik baıqaýshylarmen kezdesti

ASTANA. QazAqparat - Búgin QR Ortalyq saılaý komıssııasy tóraǵasynyń orynbasary Vladımır Foos Koreıa Respýblıkasy Ulttyq saılaý komıssııasynyń ókilderimen kezdesti.

V. Foos Koreıa delegatsııasynyń múshelerin Qazaqstan Respýblıkasy Parlamenti Májilisiniń depýtattaryn jáne barlyq deńgeıdegi máslıhattarynyń depýtattaryn saılaý jónindegi naýqan barysymen tanystyryp, delegatsııa músheleriniń saılaý zańnamasyna jáne saılaýdyń túrli kezeńderine qatysty suraqtaryna jaýap berdi.

Kezdesýge qatysýshylar sondaı-aq elektorattyq protsesterdi qamtamasyz etetin aqparattyq tehnologııalar salasynda yqtımal yntymaqtastyqtyń máselelerin talqylady.

 «Qazaqstan Respýblıkasy shet memleketter men halyqaralyq uıymdardan kóptegen baıqaýshylar shaqyrdy. Bul Qazaqstannyń saılaýdy ashyq jáne aıqyn ótkizýin kórsetedi. Bul - sizderdiń memleketterińizdiń senimdiliginiń kýási», - dep atap kórsetken delegatsııa basshysy Lım Chaı Men saılaýdy ótkizýde tabys tiledi.

Koreıa delegatsııasynyń quramyna Koreıa Respýblıkasy USK Qyzmet kórsetý quraldary jónindegi bóliminiń dırektory Lım Chaı Men, Koreıa Respýblıkasy USK Inspektsııalar bóliminiń dırektory Kım Oh-Taek, Koreıa Respýblıkasy USK Kadrlar bóliminiń bas qyzmetkeri endi.