V.Foos: Elektoraldy protseske esh shaǵym túsken joq

ASTANA. QazAqparat - 20 naýryzǵa belgilengen Májilis pen barlyq deńgeıdegi máslıhat depýtattary saılaýynyń elektoraldy protsesine esh shaǵym túsken joq. Bul týraly búgin QR Ortalyq saılaý komıssııasynyń jumys keńesi barysynda komıssııa tóraǵasynyń orynbasary Vladımır Foos málim etti.

«Ázirshe esh shaǵym túse qoıǵan joq. Degenmen, Ortalyq saılaý komıssııasyna hattar túsýde. Biraq, olardyń elektoraldy protseske esh qatysy joq. Olar áleýmettik, turmystyq qıynshylyqtardy qamtıdy. Bul barlyq elektoraldy naýqanda oryn alatyn ádettegi qubylys sııaqty», - dedi ol.

Onyń atap ótýinshe, adamdar Ortalyq saılaý komıssııasynyń basshylyǵyna ózderiniń áleýmettik problemalaryn sheshýge járdem berýdi ótinýde.

«Óıtkeni, barsha qoǵamdastyq qazirgi ýaqytta Ortalyq saılaý komıssııasyna qarap otyr. Árıne, olardyń tarapynan bopsalaýshylyq belgiler de baıqalady. Máselemizdi sheshýge kómektespeseńder biz saılaýǵa kelmeımiz deıdi», - dedi V.Foos.