V.Foos armenııalyq baıqaýshylarmen kezdesti
«Qazir ǵana biz QR Ortalyq saılaý komıssııasy tóraǵasynyń orynbasary V.Foospen kezdestik. Qazaqstandaǵy saılaýdyń zańnama talaptaryna saı joǵary deńgeıde ótýine tilektespiz. Biz saılaý kúninde elordanyń aımaqtyq ýchaskelerinde bolyp, saıası naýqannyń qalaı júrgizilip jatqandyǵyn baıqaıtyn bolamyz», - dedi kezdesýden keıin BAQ ókilderine suhbat bergen Armenııa Ortalyq saılaý komıssııasy personaldarmen qyzmet bóliminiń jetekshisi Goar Balaıan.
Aıta keteıik, 20 naýryzda ótetin QR Parlamenti Májilisi men barlyq deńgeıdegi máslıhat depýtattary saılaýyn 957 sheteldik baıqaýshy baıqaıdy. Olardyń ishinde EQYU/DIAQB-nyń - 286, TMD Mıssııasynyń - 301, Shanhaı Yntymaqtastyq Uıymynyń - 9, EQYU Parlamenttik Assambleıasynyń - 76, Eýropa Keńesiniń Parlamenttik Assambleıasynyń - 14, Túrkitildes elder yntymaqtastyǵy Keńesiniń - 17, Islam yntymaqtastyǵy uıymynyń - 3, Túrkitildes elderdiń Parlamenttik Assambleıasynyń - 8, shet memleketterdiń 103 baıqaýshysy, munan bólek, Qazaqstan Respýblıkasy Syrtqy ister mınıstrligi akkredıttegen 29 memleketten sheteldik BAQ-tyń 140 ókili bar.