Vetnam, polıak, oryspen kórshi bolǵanmyn - Prezıdent stýdenttik shaǵyn eske aldy

ASTANA. QazAqparat – Prezıdent Qasym-Jomart Toqaev Taraz ınnovatsııalyq ınstıtýtynyń Stýdentter úıin aralap kórdi, dep habarlaıdy QazAqparat.

Stýdentterdiń jaı-kúıimen tanysý kezinde Qasym-Jomart Toqaev óziniń stýdenttik shaǵyn eske aldy.

«Men de Máskeýde oqyǵan kezde osyndaı jataqhanada turdym. Bir bólmede 4 adam, sonyń ishinde bir vetnamdyq, bir polıak, bir orys jigit bolǵan edi. Jaǵdaı jalpy jaman emes», - dedi Prezıdent.

Aıta keteıik, Memleket basshysy Jambyl oblysyna jumys saparynda Sherhan Murtaza atyndaǵy Halyqaralyq Taraz ınnovatsııalyq ınstıtýtynyń oqytýshylarmen jáne stýdenttermen kezdesti.

«Elimizdiń bolashaǵy – jastar. Jańa býyn, jańa tolqyn ósip keledi. Bilim alý óte mańyzdy. Abaısha aıtqanda, «tolyq adam» degenimiz – oıy ushqyr, zerek, bilimge qushtar adam. Ár nársede qanaǵat bolýy kerek. Biraq bilimge kelgende, qanaǵat bolmaýy kerek. Árdaıym izdený kerek. Elimizdiń bolashaqta damyp, kórkeıgen elge aınalýy, aldymen, sizderge baılanysty. Biz sizderge senemiz, úlken úmit artamyz. Barshańyzǵa sáttilik tileımin!» – dedi Qasym-Jomart Toqaev.

Foto: akorda.kz